బెంగళూర్ డేస్ మళయాళంలో ప్రభంజనం సృష్టించిన చిత్రం. యూత్ ను ఎక్కువగా ఆకర్షించిన ఈ చిత్రం ఆపై పలు భాషల్లో రీమేక్ కు రెడీ అయ్యింది. ముందుగా తమిళ్, తెలుగులో రీమేక్ చేద్దామని అనుకున్నారు. తమిళంలో బొమ్మరిల్లు భాస్కర్ దర్శకత్వంలో 'బెంగుళూర్ నాట్కాల్'గా ఈ మధ్యే విడుదలయ్యింది. కానీ, అక్కడ కేవలం యావరేజ్ తో సరిపెట్టుకుంది. అయితే తెలుగులో ఇది రీమేక్ రావటం కష్టమే అంటున్నారు.
తమిళంలో పీవీపీ చేయగా, తెలుగులో దిల్ రాజు తీయాలని అప్పట్లో అనున్నారు. అయితే తమిళ్ రిజల్డ్ అధారంగా దీనిని డబ్ చేయాలా, లేక రీమేక్ చేయాలా డిసైడ్ అవుతానని దిల్ రాజు ప్రకటించాడు. ఇక రిలీజ్ అయి కలెక్షన్లు అంతంత మాత్రంగానే వస్తుండటంతో కేవలం అనువాదం చేసే అవకాశమే ఎక్కువగా వుందని చెబుతున్నారు. రానా, ఆర్య, బాబీ సింహా, రాయ్ లక్ష్మీ లతోపాటు తెలుగమ్మాయి శ్రీదివ్య రానాకు జోడీగా నటించింది. అంతే కాదు మళయాళంలో నిత్యమీనన్ పోషించిన గెస్ట్ రోల్ ను తమిళ్ లో సమంత పోషించింది. వీరందరు ఉన్నప్పటికీ ఆశించినస్థాయిలో వసూళ్లు రాబట్టలేకపోవటంతో ఇప్పుడు తెలుగు డబ్ కూడా డౌటే అని తెలుస్తోంది.
.jpg)
