సీఆర్పీఎఫ్ డైరక్టర్ జనరల్ దిలీప్ త్రివేది సంచలన వ్యాఖ్యలు చేశారు. కొన్ని రాష్ట్రాలు మావోయిజం కొనసాగాలని కోరుకుంటున్నాయని ఆరోపించారు. ఆయా రాష్ట్రాలు నక్సల్ హింస కొనసాగేందుకు అవకాశం కల్పిస్తున్నాయని, తద్వారా కేంద్రం నుంచి పెద్ద ఎత్తున నిధులు వస్తాయని ఆ రాష్ట్రాలు భావిస్తున్నాయని ఆయన వ్యాఖ్యానించారు. పేలుడు పదార్థాల అమ్మకాల నియంత్రణను కేంద్రం సీరియస్ గా తీసుకోవడంలేదని, దీంతో అవి మావోయిస్టులకు సులభంగా అందుతున్నాయని వెల్లడించారు. ఈ కారణంగా భద్రతా బలగాల సిబ్బంది అత్యధిక సంఖ్యలో ప్రాణాలు కోల్పోతున్నారని త్రివేది వివరించారు. రేపో, ఎల్లుండో పదవీ విరమణ చేయనున్న దిలీప్ త్రివేది పోయే ముందు ఇలా వివాదాస్పద వ్యాఖ్యలు చేయడం తీవ్ర చర్చకు దారితీసింది.
.jpg)
