Interview Details :
ప్ర‌ముఖ ద‌ర్శ‌కుడు పూరి జ‌గ‌న్నాథ్ త‌న‌యుడు ఆకాశ్ పూరి హీరోగా ప‌రిచ‌య‌మ‌వుతున్న సినిమా ఆంధ్రాపోరి. బాల న‌టుడిగా ప‌లు సినిమాల్లో న‌టించిన అనుభ‌వం ఆకాశ్ సొంతం. ఆంధ్రాపోరి సినిమా ఈ నెల 5న విడుద‌ల కానుంది. ఈ సంద‌ర్భంగా ఆకాశ్ హైద‌రాబాద్‌లో ఇంట‌ర్వ్యూలు ఇచ్చారు. ఆ విశేషాలు...
ఆంధ్రాపోరిలో మీ పాత్ర ఎలా ఉండ‌బోతోంది?
- చాలా బావుంటుంది. మ‌రో ఆరేళ్ల త‌ర్వాత హీరో అవుదామ‌నుకున్న నేను క‌థ న‌చ్చ‌డంతోనే ఈ సినిమాలో న‌టించాను. హీరో పాత్ర సూప‌ర్బ్ గా ఉంటుంది. ఈ సినిమాలో నేను చిరంజీవి ఫ్యాన్ గా న‌టిస్తున్నా. నిజానికి చిత్రాల్లో నటించేందుకు నాకు ఇన్స్పి రేషన్ చిరంజీవిగారే కావటం విశేషం. ఇక ఈ చిత్రంలో ఆంధ్రా అమ్మాయిని ప్రేమించే పాత్ర. త‌న పేరు కూడా నో్రు తిర‌గ‌క‌పోవ‌డంతో ఆంధ్రా పోరి అని పిలుస్తుంటాను. నేను తెలంగాణ‌కు చెందిన అబ్బాయిగా న‌టిస్తున్నా. ఇదొక టీనేజ్ ల‌వ్ స్టోరీ.
సినిమాలో హైలైట్స్ ఏంటి?
చాలా హైలైట్స్ ఉన్నాయి. హీరో పాత్ర మెయిన్ హైలైట్. ప్రసాద్ ప్రొడ‌క్ష‌న్స్ లో న‌టించ‌డం చాలా పెద్ద హైలైట్. రాజ్ మాదిరాజు డైరక్షన్, ఉల్కాగుప్తా న‌ట‌న, జోశ్య‌భ‌ట్ల ట్యూన్లు, బ్యాక్ గ్రౌండ్ మ్యూజిక్‌... అన్నీ హైలైట్ అవుతాయి.
ప్రసాద్ ప్రొడ‌క్ష‌న్స్ లో న‌టించ‌డం ఎలా ఉంది?
- హీరోగా నా లాంచింగ్ ప్రసాద్ ప్రొడ‌క్ష‌న్స్ లో జ‌ర‌గ‌డం చాలా హ్యాపీ. ఎంతోమంది లెజెండ్స్ ప‌నిచేసిన సంస్థ‌లో నాకు ప‌నిచేసే అవ‌కాశం రావ‌డం నిజంగా ల‌క్కీ.
మీ నాన్న‌గారు సినిమా చూశారా? ఏమ‌న్నారు?
- అస‌లు నాన్న‌గారు న‌టించ‌మ‌ని చెప్ప‌బ‌ట్టే నేను ఈ సినిమాలో న‌టించాను. ఒరిజిన‌ల్ వెర్ష‌న్ టైమ్ పాస్ ను ఆయ‌న ఎప్పుడో చూశారు. ఈ సినిమా చేయ‌క‌పోతే త‌ప్ప‌కుండా ఏదో మిస్ అవుతావురా అని మా నాన్న‌గారు అన్నారు. ఆయ‌న మాట విని మంచే చేశాన‌ని ఇప్పుడు అర్థ‌మ‌వుతోంది. నాన్న‌గారు తెలుగు వెర్ష‌న్ ను ఇంకా చూడ‌లేదు. బిజీగా ఉన్నారు.
డైరక్షన్ చేయాల‌ని ఉందా?
- పూర్తి స్థాయి డైర‌క్ట‌ర్ ని కాద‌లచుకోలేదు. కాక‌పోతే త‌ప్ప‌కుండా ఒక సినిమాకు డైరక్షన్ చేస్తా.
హీరోగా కంటిన్యూగా బ్యాక్ టు బ్యాక్ సినిమాలు చేస్తారా?
- లేదండీ. మ‌రో మూడేళ్లు గ్యాప్ తీసుకుంటున్నా. ఫ‌స్ట్ బ్యాంకాక్ కి వెళ్లి ఫైట్లు నేర్చుకోవాలి.ఆ త‌ర్వాత మిగిలిన కోర్సుల‌న్నీ చేయాలి.
తెలంగాణ యాస‌లో మాట్లాడ‌టం క‌ష్ట‌మ‌నిపించిందా?
- ముందు రాలేదు. కానీ ఉల్కాగుప్తా ఎక్క‌డినుంచో వచ్చి తెలుగు చాలా బాగా మాట్లాడేస్తుంటే కాసింత రోషం వ‌చ్చింది. నా తెలుగులో ఒక యాస‌ను మాట్లాడ‌లేనా? అనిపించి నేర్చ‌కున్నా. ప‌ర్ఫెక్ట్ గా వ‌చ్చింది.
ద‌ర్శ‌క‌నిర్మాత‌ల గురించి చెప్పండి?
- డైర‌క్ట‌ర్ ది పాల్వంచ. అయ‌న సొంత ఊర్లోనే సినిమా చేశాం. మా నిర్మాత టీమ్ అంద‌రితోనూ ఫ్రెండ్లీగా క‌నిపించ‌డం చూసి ఆశ్చ‌ర్యంగా అనిపించింది.
