రామ్, కీర్తి సురేష్ తదితరులు, మ్యూజిక్ : దేవిశ్రీప్రసాద్, నిర్మాత : స్రవంతి రావికిశోర్, దర్శకుడు: కిషోర్ తిరుమల
రొటీన్ సినిమాలతో బాక్సాఫీస్ దగ్గర ఘోరంగా దెబ్బ తినేసిన రామ్ ఇప్పుడు ఈ కొత్త సినిమాతో వస్తున్నాడు. అయితే ఈసారి తన పందాను మార్చేసి.. కాస్త కొత్తరకం సినిమాతోనే వస్తున్నా అని చెప్పాడులే. ఈవాళ రిలీజ్ అయిన టీజర్ ఎలా ఉందో ఓమారు చూద్దామా మరి..
నిజానికి రామ్ తన లుక్ వైజ్ ఎలాంటి ప్రయత్నాలు చేయకపోయినా కూడా.. సినిమా కథ వైజ్ దర్శకుడు కిషోర్ తిరుమల కాస్త కొత్తగానే ప్రయత్నం చేశాడని టీజర్ చూస్తే చెప్పొచ్చు. అప్పటికే ఓ నలుగురైదుగురు అమ్మాయిలు హరి అనే మన హీరోను రిజక్ట్ చేస్తారు. అందుకే మనోడు ఏ అమ్మాయి నచ్చినా ఇక మీదట ప్రేమించకూడదని ఫిక్సయిపోయాడు. కట్ చేస్తే ఇప్పుడు.. హీరోయిన్ శైలజ.. అదేనండీ కీర్తి సురేష్.. స్వయంగా హరిగాడి దగ్గరకొచ్చి ఐ లవ్ యు అనేసింది. కాని నిన్ను లవ్ చేయట్లేదు అనేసింది. ఈ కన్ఫ్యూజన్ లో నే టీజర్ ఎండ్ చేశారు. చూసినంతవరకు బాగానే ఉంది.
కొత్త పంథాలో వెళ్ళి రామ్ ఒక కొత్త తరహా హిట్టు కొడతాడేమో చూడాలి. జనవరి 1న నేను..శైలజ రిలీజ్ కానుంది.
Post Your Comment