నటీ నటులు: మంచు లక్ష్మి, అడవి శేషు, బ్రహ్మానందం, గిరిబాబు, ప్రుథ్వీ, మధునందన్, ప్రభాకర్
మంచు లక్ష్మి నటించి, నిర్మించిన చిత్రం ‘దొంగాట’. అడివి శేష్‌, బ్రహ్మానందం, మధు నందన్‌, ప్రభాకర్ లు ఇందులో ప్రధాన పాత్రలు పోషిస్తున్నారు. విద్యానిర్వాణ సమర్పణలో మంచు ఎంటర్‌టైన్‌మెంట్స్‌ పతాకంపై రూపొందిన ఈ చిత్రానికి వంశీకృష్ణ దర్శకుడు. ఈ నెల 1న విడుదల కావాల్సిన ఈ సినిమా అవాంతరాలు, అడ్డంకులను ఎదుర్కొని మే 8న ప్రపంచ వ్యాప్తంగా విడుదల చేయాలని సంకల్పించారు. ఈ సినిమా డబ్బుకి , మనిషికి మధ్యగల సంబంధం నేపధ్యంలో తెరకెక్కించారు. దీనికి మహావీర్‌, సాయికార్తీక్‌, రఘు కుంచెలు సంగీత దర్శకులుగా పని చేశారు. పాటలకు మంచి స్పందన వచ్చింది. ‘యాందిరో’ పాట ప్రేక్షకుల్ని ఎంతగానో ఆకట్టుకుంది. తొమ్మిది మంది హీరోలతో చిత్రీకరించిన మరో పాట సినిమాకు ప్రత్యేక ఆకర్షణగా నిలుస్తుంది. సాయి మాధవ్‌ సంభాషణలు మనసుకు హత్తుకుంటాయి. సినిమా ప్రారంభం నుండి ఆద్యంతం నవ్వించే నవ్వించేలా ఉంటుందంటున్నారు ఈ చిత్ర యూనిట్. ఇందులో ఓ ప్రత్యేక సందర్భంలో నాగార్జున, రవితేజ, రానా, నాని, శింబు, సుధీర్‌బాబు, నవదీప్‌, సుశాంత్‌, తాప్సీ ఓ డాన్స్ సీన్ లో కనిపిస్తారు.
Post Your Comment