కోడి పందేలను నిషేధించాలని ఆంధ్రప్రదేశ్ హైకోర్టు ఇచ్చిన ఆదేశాలను సుప్రీం కోర్టు కొట్టేసింది. ఇప్పుడు ఆంధ్ర ప్రజలు సంక్రాంతి పండుగ ఉత్సవాన్ని జోరుగా చేసుకోవచ్చు. కోడి పందేలాకు కోర్టు అడ్డు తొలగడంతో పందెం కోళ్ళకు గిరాకీ మరింత పెరిగిపోయింది. అయితే కోర్టు ఈ కేసును విచారించే వరకూ యథాస్థితి కొనసాగుతుందని తీర్పు చెప్పింది. కొద్ది రోజులుగా ఈ విషయమై కోడిపందేల ఆటగాళ్ళలో నిరుత్సాహం చోటు చేసుకుంది. సుప్రీం కోర్టు నిర్ణయంతో గోదావరి జిల్లా ప్రజల్లో ఉత్సాహం ఉరకలెత్తుతోంది. ఈ కేసు మాట ఎలా ఉన్నా కోళ్ళ పందేలు ఆపేది లేదని కొందరు భీష్మించుకు కూర్చున్నారు. ఇది ఎన్నాళ్ళుగానో నడుస్తున్న సంప్రదాయమనీ, దీన్ని అడ్డుకునే వారెవరని ప్రశ్నించే వారూ ఉన్నారు. అయితే తమిళనాడులోని జల్లికట్టు ఉదంతం ద్రుష్టిలో పెట్టుకొని సుప్రీం కోర్టు ఈ ఆదేశాలు ఇచ్చింది. ఇక ఆంధ్ర ప్రజలు కోడి పందేలకు సై అంటే సై అంటున్నారిప్పుడు.
.jpg)
