సల్మాన్ కు పలువురి పరామర్శ

రీల్ మీద రఫ్ అండ్ టఫ్ గా కనిపించే ఈ కండల వీరుడు నిజ జీవితంలో కోర్టులో కంట తడి పెట్టేశాడు. పదమూడేళ్ళ ఈ హిట్ అండ్ రన్ కేసులో ఇలాంటి తీర్పు వెలువడుతుందని బహుషా ఆయన ఊహించి ఉండడు అందుకే చాలా ఉద్వేగానికి లోనయ్యాడు.  ఆయన ఇప్పుడు రెండు రోజుల తాత్కాలిక బెయిల్ మీద ఇంటికి వెళ్ళారు. సల్మాన్ ఖాన్ జైలు నుండి తన గెలాక్సీ అపార్టుమెంటుకు చేరుకున్న వెంటనే పలువురు బాలీవుడ్ సెలబ్రిటీలు ఆయన ఎదురు చూస్తున్నారు. సల్మాన్ ను పరామర్శించడంతో పాటు ఆయన కుటుంబ సభ్యులతో కూడా మాట్లాడారు. బుధవారం రాత్రి సల్మాన్ ను చూసేందుకు బాలీవుడ్ సెలబ్రిటీలు ప్రీతి జింతా, సోనాక్షి సిన్హా, రాణి ముఖర్జీ, సంగీత బిజిలానీ, సునీల్ శెట్టి, సోనూ సూద్, పుల్ కిత్ సమ్రాట్ ఆయన నివాసానికి చేరుకుని పరామర్శించారు. తాజాగా గురువారం ఉదయం అమీర్ ఖాన్ సల్మాన్ ను కలిశారు.. సల్మాన్ ఖాన్ కోర్టుకు వెళ్లడానికి ముందు రోజే షారుక్ ఖాన్ కూడా సల్మాన్ ఇంటికి వెళ్ళి ధైర్యం చెప్పారట. ఆయనతో సినిమాలు చేసినా, ఫ్రెండ్షిప్ అయినా ఒక్కొక్కరిదీ ఒక్కో రకమైన అభిమానం. సోనాక్షి సల్మాన్ ఖాన్ కు దబాంగ్ చిత్రం ద్వారా హీరోయిన్ గా పరిచయమైంది ఈమె అతన్ని గురువుగా భావిస్తుందట. సోనూ సూద్ కూడా సల్మాన్ ఖాన్ కు దబాంగ్ చిత్రం తోనే పరిచయం  ఆ చిత్రంతో ఆయన సుడి మారిపోయింది. ఆయన చాలా మంచి వాడనీ, ఆయన మనసు ధృడంగా ఉంటుందనీ, ఆయన చేసిన మంచి పనులు వృధా కావని సోనూ సూద్ ట్వీట్ చేసాడు. రాణి ముఖర్జీ సల్మాన్ ఖాన్ కు సన్నిహితంగా ఉండే వారిలో ఒకరు. ఆమె బుధవారం రాత్రి సల్మాన్ నివాసానికి చేరుకుని కుటుంబ సభ్యులతో మాట్లాడారు. సల్మాన్ సన్నిహితుల్లో సునీల్ శెట్టి ఒకరు. ఇద్దరూ అన్నదమ్ముల్లా ఉంటారు.  డైసీ షా సల్మాన్ ఖాన్ ‘జై హో' చిత్రంతో మంచి పేరు తెచ్చుకున్న నటి. కేసు అనంతరం ఈమె కూడా ఆయన్ను కలిసింది. బిపాసా బసు సల్మాన్ ఖాన్ ఎంతో మంచి వాడని, అతని బాగు కోసం ప్రార్థన చేసినట్లు తెలిపింది. సల్మాన్ జైలు నుండి ఇంటికి చేరుకోగానే ఆమె వెళ్లి పరామర్శించింది. సంగీత బిజిలానీ ఒకప్పుడు సల్మాన్ ఖాన్ కు సన్నిహితంగా మెలిగిన వారిలో ఒకరు. ఇద్దరూ అప్పట్లో పెళ్లి చేసుకుంటారని కూడా అనుకున్నారు. సల్మాన్ జైలు నుండి ఇంటికి రాగానే ఆమె ఆయన్ను కలిసింది. ప్రీతి జింతా సల్మాన్ ఖాన్ కు సన్నిహితంగా ఉండే నటి. సల్మాన్ కేసు తీర్పు ముందు, అతను జైలు నుండి వచ్చిన తర్వాత కూడా వెళ్ళి ఆయన్ను కలిసింది. ఇంకా పలవురు అభిమానులు ప్రముఖులు ట్విట్టర్ తమ సింపతీని వ్యక్తం చేస్తున్నారు. బాలీవుడ్ నటీనటులంతా సల్మాన్ కు తమ సపోర్ట్ ఇస్తున్నారు.