అభిమానించే వారి నుంచి ఆటోగ్రాఫ్ తీసుకోవడంలో ఓ అనుభూతి వుంటుంది. జీవితంలో అదొక మధుర జ్ఞాపకంలా నిలిచిపోతుంది. ముఖ్యంగా సినీ తారల నుంచి ఆటోగ్రాఫులు తీసుకోవడానికి అభిమానులు ఎగబడుతుంటారు. ఆ విధంగా సూపర్ స్టార్ రజనీకాంత్ ఎంతోమందికి ఆటోగ్రాఫులిచ్చాడు. అయితే దేశంలోనూ, విదేశాల్లోనూ ఎంతో మంది అభిమానులను సంపాదించుకున్న రజనీ , ఒక్క ఆటోగ్రాఫ్ కోసం చాలా ట్రై చేసి సంపాదించాడట. తన జీవితంలో తీసుకున్న ఆ ఆటోగ్రాఫ్ ఎవరో కాదు కన్నడ సూపర్ స్టార్ దివంగత రాజకుమార్ నుంచే నండీ! ఈ విషయాన్ని రజనీ తనే వెల్లడించాడు. బెంగళూరులోని కంఠీరవ స్టూడియో వద్ద నెలకొల్పిన రాజకుమార్ మెమోరియల్స్ ప్రారంభోత్సవం సందర్భంగా హాజరైన రజనీ ఈ విషయాన్ని చెప్పుకొచ్చాడు."నా జీవితంలో నేను ఒకే ఒక్కరి నుంచి ఆటోగ్రాఫ్ తీసుకున్నాను... ఆయన మరెవరో కాదు కన్నడ కంఠీరవుడు రాజకుమార్. మహానటుడాయన. ఆయనకున్న కోట్లాదిమంది అభిమానుల్లో నేనూ ఒకడిని" అంటూ తన అభిమానాన్ని చాటుకున్నాడు రజనీ.
.jpg)
