నందమూరి తారక రామారావు (జూ)

నందమూరి మూడోతరం నట వారసుడు జూనియర్ ఎన్టీరామారావు. నటరత్న నందమూరి తారక రామారావు మనుమడు, అదే పేరుతో సినీ పరిశ్రమలో అడుగు పెట్టి ఆ తాత నట వారసత్వాన్ని, పోలికలను పుణికిపుచ్చుకున్న నటుడిగా జూనియర్ అని ముద్దుగా పిలిపించుకుంటున్నాడు. బ్రహ్మర్శి విశ్వమిత్ర సినిమాతో బాలనటుడిగా తాత సీనియర్ ఎన్టీఆర్ తో నటించాడు. హీరోగా మొదటి సినిమా ‘నిన్ను చూడాలని’తో మొదలు పెట్టి ’స్టూడెంట్ నెంబర్.1’ సినిమాతో తన నవరసాల్ని ప్రేక్షకులకు చూపించి శభాష్ అనిపించుకున్నాడు. ఒక్కొక్క మెట్టు పైకెదుగుతూ ఇప్పుడు టాప్ మోస్ట్ హీరోల స్థానంలో ఆ తాతకు తగిన మనుమడిగా సినీ పరిశ్రమను ఏలుతున్నాడు.