సమంత రుత్ ప్రభు

తెలుగు, తమిళ చిత్రాల్లో అతి తక్కువ సమయంలో ఎక్కువ సినిమాలు చేసిన తార సమంత రుత్ ప్రభు.  కెరియర్ తొలినాళ్ళలో మోడలింగ్ చేసిన సమంత 2007లో రవి వర్మన్ దర్శకత్వంలో మాస్కోవిన్ కావేరిసినిమాలో నటించేందుకు ఒప్పుకున్నప్పటికీ  ‘ఏం మాయ చేశావె’  సినిమాతో 2010లో తెలుగు పరిశ్రమలోకి అడుగుపెట్టింది. ఆ తరువాత తను నటినంచిన బృందావనం, అత్తారింటికి దారేది, దూకుడు, సీతమ్మ వాకిట్లో సిరిమల్లె చెట్టు బ్లాక్ బస్టర్స్ కావడంతో హిట్ నటిగా పేరు తెచ్చుకుంది.  రాజమౌళి దర్శకత్వంలో చేసిన ఈగ కూడా ఆమెకు బాగా పేరు తెచ్చింది. ఇటు తెలుగు, అటు తమిళంలో ఏక కాలంలో నటిస్తూ, ఐదేళ్ళలో దాదాపు 20 చిత్రాల్లో నటించింది.