ప్రభాస్

ప్రభాస్ పూర్తి పేరు ఉప్పలపాటి ప్రభాస్ రాజు. ఇతన్ని కూడా సినీ వారసుడనే అనవచ్చు. ప్రముఖ హీరో ఆరడుగుల అందగాడు కృష్ణం రాజు తమ్ముడి కుమారుడు. తెలుగులో అతి తక్కువగా ఉన్న పొడుగు హీరోల్లో ఇతనూ ఒకడు. ఈశ్వర్ సినిమాతో తెరంగేట్రం చేసిన ప్రభాస్ ఆ తర్వాత వర్షం, ఛత్రపతి, బిల్లా, డార్లింగ్, మిస్టర్ పర్‌ఫెక్ట్, మిర్చి వంటి సినిమాల్లో నటించి తెలుగు సినీ పరిశ్రమలో సుస్థిర స్థానం ఏర్పరచుకున్నాడు. 2015, జులై 10న విడుదలై సంచలనం రేపిన ‘బాహుబలి’లో హీరోగా నటించడం అతని సినీ కెరీర్లో ఓ మైలురాయి. ఇంతకు ముందు తెలుగులో తప్ప ఏ భాషలో నటించని ప్రభాస్ నటించిన బాహుబలి ఇండియాలో నాలుగు భాషల్లో రిలీజ్ కావడం గొప్ప విశేషంగా చెప్పుకోవచ్చు.