మురుగదాస్-ప్రభాస్ కాంబోలో థ్రిల్లర్ సినిమా...

బాహుబలి-2 తరువాత ప్రభాస్ సినిమా గురించి చర్చలు అప్పుడే మొదలయ్యాయి. బాహుబలి సినిమాతో ఈ హీరో రేంజ్ చాలా పీక్ కు వెళ్ళిపోయింది. బాహుబలి సినిమా కలెక్షన్ ఇప్పుడు 600 కోట్లకు చేరుకుంది. అయితే ఇది ప్రభాస్ సాహసమనే చెప్పాలి. ఎందుకంటే ఆ లెవల్ లో కాల్షీట్లు ఇవ్వడమనేది ఏ హీరో చేయని సాహసంగానే చెప్పుకుంటోంది సినిమా ఇండస్ట్రీ. అందుకే ఇప్పుడు ప్రపంచం కళ్లన్నీ ప్రభాస్ పైనే ఉన్నాయి. ప్రభాస్ గ్రాఫ్ ని అమాంతం పెంచేసే ఓ ఇంట్రెస్టింగ్ ప్రాజెక్ట్ గురించి మంతనాలు సాగుతున్నాయట. బాహుబలుడు ప్రభాస్ హీరోగా ఏ.ఆర్.మురుగదాస్ దర్శకత్వంలో ఓ సినిమాకి సన్నాహాలు సాగుతున్నాయని ఇటీవలి ఓ ఇన్సిడెంట్ రివీల్ చేసింది.  ప్రభాస్ బాహుబలి పార్ట్ 2 తర్వాత ఓ పెద్ద ప్రాజెక్టులో నటించనున్నాడు. ఇదో ఉత్కంఠ రేకెత్తించే థ్రిల్లర్ మూవీ. ఈ చిత్రంలో రెండో లీడ్ లో నటించేందుకు నీల్ నితిన్ ముఖేష్ ని మురుగదాస్ కలిశారు. ఆ సంగతిని ఈ బాలీవుడ్ నటుడు స్వయంగా రివీల్ చేశాడు. మురుగదాస్ తో కలిసి ప్రభాస్ నన్ను ఇదివరకే కలిశారు. ముంబైలో డిన్నర్ చేస్తూ మాట్లాడుకున్నాం. సౌత్ లో నన్ను నేను నిరూపించుకోవాలనుకుంటున్నా. ముఖ్యంగా తెలుగు నుంచి వచ్చే అనువాద చిత్రాలు రెగ్యులర్ గా చూస్తుంటా. తెలుగు సినిమా స్క్రీన్ ప్లే లు బావుంటాయి. కొత్త ఎటెంప్ట్ చేస్తున్నారని ప్రశంసించాడు. ప్రభాస్ గొప్ప నటుడని నీల్ పొగడ్తలతో ముంచెత్తాడు.