‘తల’ ఎప్పుడూ డిఫరెంటే....?

అజిత్ సినిమా ఫస్ట్ లుక్ చూడండీ.... ఈ తెల్లగడ్డం... జుట్టులేని తల... ఓ మాస్ స్టయిల్ లుక్... ఇక్కడ బాగా అందంగా కనిపించాలనే ప్రయత్నం ఏదైనా చేశాడా? లేదు... కానీ ఈ హీరోను అందగాడు కాదని ఎవరైనా అనగలరా? నెవర్... ఇతను నాచురల్ అందగాడు... అందమే కాదు బుర్రనిండా తెలివైన ఆలోచనలు... మంచితనం నిండిన హృదయం... అందుకే తమిళ నాడులో ఇతన్నో దేవుడిలా చూస్తారు అభిమానులు. ఆయన ఫస్ట్ లుక్ పోస్టర్ రిలీజైంది. చూడగానే కళ్లు చెదిరిపోయే లుక్ ఇది. వినాయక చవితి రోజు ఫస్ట్ లుక్ అంటూ ఊరించారు కానీ వారం రోజులు తరువాత రిలీజ్ చేశారు. ఈయన్ని అభిమానులు ముద్దుగా ‘తల’ అని పిలుచుకుంటారట తమిళ నాట.
ఇంతకుముందు ‘రెడ్’ అనే సినిమాలో దీనికి దగ్గరగా ఉండే లుక్ లో కనిపించాడు అజిత్. ఇప్పుడు మరింత డిఫరెంటుగా దర్శనమిచ్చాడు. అర్ధరాత్రి నుంచి ట్విట్టర్లో అజిత్ లుక్ పెద్ద సెన్సేషన్ క్రియేట్ చేస్తోంది.
ఈ సినిమా టైటిల్ కూడా ఇప్పుడే అనౌన్స్ చేశారు. ‘వేదలమ్’ అని పేరు పెట్టారీ సినిమాకు. అంటే బేతాళం.. దయ్యం.. అని అర్థమన్నమాట. మన గోపీచంద్ తో శౌర్యం, శంఖం సినిమాలు తీసిన శివ ఈ చిత్రానికి దర్శకత్వం వహిస్తున్నాడు. అతను ఇంతకుముందు అజిత్ తో తీసిన వీరం (తెలుగులో వీరుడొక్కడే) సూపర్ హిట్టయింది. అజిత్ సరసన శ్రుతి హీరోయిన్ గా నటిస్తున్న ఈ సినిమా తెలుగులోనూ ఒకేసారి విడుదల చేయబోతున్నారు. దీపావళికి ఈ సినిమా ప్రేక్షకుల ముందుకు రానుంది.