అక్కినేని కుటుంబం నుంచి వస్తున్న యంగ్ హీరో అఖిల్ సినిమా రిలీజ్ కు సిద్ధమైంది. వి.వి.వినాయక్ దర్శకత్వంలో అఖిల్ జంటగా బాంబే అమ్మాయి సయేషా నటిస్తున్న విషయం తెలిసిందే. శ్రేష్ఠ్ మూవీస్ పతాకంపై నిఖితా రెడ్డి సమర్పణలో యూత్ స్టార్ నితిన్ నిర్మిస్తున్న భారీ చిత్రం ఇది. ఆగస్టు 11నుండి ఈ చిత్రం కోసం హైదరాబాద్ సంఘీ ఫారెస్ట్ లో కోట్లాది రూపాయల వ్యయంతో వేసిన భారీ సెట్ లో క్లైమాక్స్ చిత్రీకరణ చేస్తున్నారు. ఈ నెల 23 వరకు ఈ క్లైమాక్స్ పూర్తవుతుంది. దీంతో 3 పాటలు మినహా చిత్రం పూర్తయి పోతుంది. ఈ సందర్భంగా నిర్మాత నితిన్ మాట్లాడుతూ – ఆగస్టు 20 నుండి సెప్టెంబర్ 12 వరకు యూరప్ లో రెండు పాటలు చిత్రీకరిస్తాం. సెప్టెంబర్ 18 నుండి 23 వరకు హైదరాబాద్ లో భారీ సెట్స్ లో చివరి పాట చిత్రీకరించడంతో షూటింగ్ మొత్తం పూర్తవుతుంది అన్నాడు. నాగార్జున బర్త్ డే రోజైన 29న ఫస్ట్ లుక్ విడుదల చేయనున్నట్టు. అలాగే అక్కినేని నాగేశ్వరరావు జయంతి సందర్భంగా సెప్టెంబర్ 20న భారీ ఎత్తున ఆడియోను ఆవిష్కరిస్తామని అనానరు. అక్టోబర్ 21న వరల్డ్ వైడ్ గా విజయదశమి కానుకగా చాలా గ్రాండ్ గా ఈ చిత్రాన్ని రిలీజ్ చేస్తామని చెప్పారు నితిన్.
హీరోయిన్ సాయేషా మాట్లడుతూ... ఆగస్టు 12 నా బర్త్ డే. ఇంత పెద్ద బేనర్లో సినిమా చెయ్యడం, ఇంత భారీ చిత్రం షూటింగ్ లో ఉండడం నాకు నిజంగా హ్యాపీ బర్త్ డే. అఖిల్ లాంచింగ్ ఫిలిమ్ లో హీరోయిన్ గా నటించే గొప్ప అవకాశం వచ్చింది. వినాయక్ గారికి, నితిన్ గారికి నా కృతజ్నతలు. ఈ చిత్రం చాలా పెద్ద హిట్ అవుతుంది. నా కెరీర్ కు ఇది మంచి బ్రేక్ ఇవ్వాలనుకుంటున్నాను. అఖిల్ తో నటించడం నా అదృష్టం.. అని ముగించింది.
.jpg)
