ప్రముఖ సింగర్ ఆశా భోంస్లే పెద్ద కుమారుడు హేమంత్ భోంస్లే సోమవారం మృతిచెందాడు. ఆయన గత కొంతకాలంగా కేన్సర్ తో బాధ పడుతున్నాడు. ఆయన వయసు 66 సంవత్సరాలు. మ్యూజిక్ డైరెక్టర్ అయిన హేమంత్ భోంస్లే గత కొన్ని రోజులుగా ఆరోగ్య రీత్యా స్కాట్లాండులోనే ఉండిపోయారు. ఆయన ఎన్నో హిందీ చిత్రాలకు మ్యూజిక్ డైరెక్టర్ గా పని చేసి మంచి హిట్ సాంగ్స్ అందించాడు. ఆయన సంగీతంలో ఎక్కువ పాటలు ఆశా భోంస్లే పాడారు. కుమారుడు చనిపోడానికి ముందు రోజు ఆశాజీ ఓ సంగీత కార్యక్రమం కోసం సింగపూర్ వెళ్ళారు. హేమంత్ మరణ వార్త వినగానే వెంటనే ఆమె స్కాట్లాండు వెళ్లారు. సోమవారం ఆశా భోంస్లే సోదరి లతా మంగేష్కర్ పుట్టినరోజు కావడం విశేషం. హేమంత్ మృతి చెందడంతో లత పుట్టి రోజు వేడుకలు కూడా జరుపుకోకుండా స్కాట్లండ్ బయలు దేరారు. కుటుంబ సభ్యులు, బంధువులు అందరూ స్కాట్లాండు చేరుకున్నారు. మూడేళ్ల క్రితం ఆశా భోంస్లే కూతురు వర్ష ఆత్మహత్య చేసుకున్న విషయం తెలిసిందే.
.jpg)
