లెజెండ్ రికార్డును పవన్ చిత్రం బ్రేక్ చేసిందా?

టీఎస్సార్ టీవీ 9 జాతీయ అవార్డుల సందర్భంగా బాలయ్య, నిర్మాత బండ్ల గణేష్ మధ్య చోటుచేసుకున్న పరిణామం అందరికీ తెలిసిందే. శ్రీనువైట్లకు, బండ్ల గణేష్ కు పురస్కారాలు ఇవ్వడానికి బాలయ్య నిరాకరించడం, ఆ తర్వాత బండ్ల స్టేజీ మీద బాలయ్య ఉండగానే చిరుకి పాదాభివందనం చెయ్యటం, వెంటనే బాలకృష్ణ బండ్ల గణేష్ ను ఏదో అనటం, ఆ తర్వాత ట్విట్టర్లో బండ్ల ట్వీట్లతో బాలయ్యకు ఇండైరక్టు కౌంటర్లు ఇవ్వటం చకచకా జరిగిపోయాయి. ఇది జరిగి రెండు దాదాపు నెలన్నర కావస్తుంది. అయితే ఇప్పటికీ బండ్లకు బాలయ్య మీద కాక ఇంకా తీరన్నట్లుంది.

నిన్న పవర్ స్టార్ పవన్ కళ్యాణ్ పుట్టినరోజు సందర్భంగా బండ్ల  ట్విట్టర్లో ఓ ఫోటో ట్వీట్ చేశాడు.  చరిత్ర ఎదురు చూస్తుంది మీకోసం. చరిత్ర సృష్టించేది మీరేనని అంటూ అందులో ఉండి, బిగ్గెస్ట్ మూవీ గబ్బర్ సింగ్ 1210 రోజులు అని ఉంది. అంటే అత్యధిక రోజులు ఆడిన చిత్రంగా గబ్బర్ సింగ్ రికార్డు నెలకొల్పిందని బండ్ల ఉద్దేశమన్నమాట.

అయితే దీనివెనుక బాలయ్య పై ఉన్న కోపమే కారణమని తెలుస్తోంది. బాలయ్య లెజెండ్ చిత్రం తెలుగులో ఇప్పటిదాకా అత్యధిక రోజులు ఆడిన చిత్రంగా రికార్డు నెలకొల్పిన విషయం తెలిసిందే. దానికి కౌంటర్ గానే బండ్ల మెగా ఫ్యామిలీపై ఉన్న గౌరవంతోనూ, అదే టైంలో బాలయ్య తో ఉన్న వైరంతోనూ ఇలా పోస్ట్ చేశాడని టాక్. మొత్తానికి బండ్ల తన కసిని ఇలా తీర్చుకున్నాడన్నమాట.