గబ్బర్ సింగ్ సినిమాతో హరీష్ శంకర్ కూడా మెగా అభిమానుల డైరెక్టర్ గా మారిపోయాడు. ఇప్పుడు ఆయన దర్శకత్వంలో రెడీ అయిన సాయి ధరమ్ తేజ్ సినిమా ‘సుబ్రహ్మణ్యం ఫర్ సేల్’ రేపు (24.9) విడుదలకు సిద్ధమైంది. రొమాంటిక్ అండ్ ఎంటర్ టైనింగ్ మూవీ గా రూపుదిద్దుకున్న ఈ సినిమాలో పిల్లా నువ్వులేని జీవితం హీరోయిన్ రెజీనా కసాండ్ర ఇందులోనూ సాయి తో జతకట్టింది. సుమన్ ఓ ప్రత్యేక పాత్రలో నటిస్తున్న ఈ సినిమానూ మంచి టేస్ట్ ఉన్న నిర్మాత దిల్ రాజు నిర్మాతగా వ్యవహరించాడు. ప్రేక్షకుల్లో మంచి అంచనాలు ఉన్న సుబ్రహ్మణ్యంతో పోటీకి దిగుతోంది.... శ్రీముఖి-కామ్నా జఠ్మలానీ కలిసి నటించిన చంద్రిక. ఈ హారర్ థ్రిల్లర్ ఎల్లుండి (సెప్టెంబర్ 25న) తెరమీదకు రాబోతోంది. యోగేష్‌ దర్శకత్వంలో శ్రీమతి వి.ఆశ నిర్మిస్తున్నారు ఈ చిత్రాన్ని. కార్తీక్‌ జయరామ్‌ ఇందులో హీరోగా నటిస్తుండగా గిరీష్ కర్నాడ్ ఓ ప్రత్యేక పాత్రలో చేస్తున్నారు. ఎల్‌.బి.శ్రీరాం, సత్యం రాజేష్‌ తదితరులు ఇతర ముఖ్యపాత్రలు పోషించారు. ఒకేసారి విడుదలవుతున్న ఈ చిత్రాల అదృష్టం మరి రెండు రోజుల్లో తేలిపోతుంది.
.jpg)
