ధనుష్, అమైరా దస్తూర్‌, కార్తిక్‌ ముఖ్య తారాగణంతో కె.వి.ఆనంద్‌ దర్శకత్వంలో తెరకెక్కిన చిత్రం 'అనేగన్'. ఈ చిత్రం పొంగల్‌కు విడుదల కావాల్సి ఉండగా 'ఐ', 'ఎన్నై అరిందాల్‌' తదితర భారీ బడ్జెట్‌ చిత్రాల విడుదల సందర్భంగా 'అనేగన్' విడుదలను వాయిదా వేశారు. పొంగల్‌కు 'ఐ' విడుదలైన నేపథ్యంలో ఫిబ్రవరి 5న 'ఎన్నై అరిందాల్‌' విడుదలకు సన్నాహాలు జరుగుతున్నాయి. దీంతో ఫిబ్రవరి 13న 'అనేగన్'ను విడుదల చేసేందుకు నిర్ణయించారు. ఈ విషయాన్ని చిత్ర దర్శకుడు కె.వి.ఆనంద్‌ తన ట్విట్టరులో అధికారికంగా పేర్కొన్నారు. చిత్రంలోని 'టంకామారి' అనే పాట ఆన్‌లైన్‌లో హల్‌చల్‌ చేస్తుండగా ఇటీవల విడుదలైన చిత్ర ట్రైలర్లను పది లక్షలకు మించిన ప్రజలు వీక్షించారు. ఫిబ్రవరి 14న వాలంటైన్స్‌ డే కావడంతో దానికి ముందు రోజు విడుదలయ్యే ఆ చిత్రం ప్రేమికులకు కానుకగా ఉంటుందని చిత్ర వర్గాలు తెలిపాయి. తెలుగు వెర్షన్ విషయానికి వస్తే... రీసెంట్ గా ‘రఘువరన్ బిటెక్' సినిమా తెలుగులో విజయం సాధించడంతో తన తాజా తమిళ సినిమా ‘అనేగన్'ను తెలుగులో ‘అనేకుడు' పేరుతో అనువదిస్తున్నారు.
.jpg)
