హెలికాప్టర్ షాట్ కొడుతూ గాయపడ్డ సుషాంత్

బయో పిక్ సినిమాల హవా బాలీవుడ్ లో బాగా పెరిగి పోయింది. అది కూడా క్రికెట్ వీరులకు ఉన్న క్రేజ్ ను ఇలా బయోపిక్ సినిమాలతో సక్సెస్ కొడదామన్న ఆరాటం సినీ పరిశ్రమలో బాగా పెరిగిపోయింది. అలా ధోనీ బయోపిక్ సినిమా రెడీ అవుతోంది. ఆ క్రికెటర్లకు తగ్గట్టు బాడీ లాంగ్వేజ్ మార్చుకోవడమే కాక, ఆయన క్రికెట్ షాట్ లు ఎలా కొడతారో కూడా ఆ నటులు ప్రాక్టీస్ చేసున్నారు. అలా మైదానంలో హెలికాప్టర్ షాట్ గుర్తుకొచ్చే క్రికెటర్ అంటే ఎంఎస్ ధోని అనేది అందరికీ తెలుసు. బాలీవుడ్ దర్శకుడు నీరజ్‌ పాండే ఈ చిత్రాన్ని ప్లాన్ చేస్తున్నారు. ఇందులో నటించే థోనీ పాత్రధారి సుశాంత్ సింగ్ రాజ్ పుత్. దీని టైటిల్ ‘ఎంఎస్ ధోని ది అన్ టోల్డ్ స్టోరీ'. ఈ చిత్రంలో సుశాంత్ సింగ్ జులపాల జుట్టుతో కనిపించబోతున్నాడు. ధోనీ మొదట్లో జులపాలతో కనిపించాడు కాబట్టి అదే మాదిరిగా ఈ నటుడ్ని తయారు చేశారు. అయితే షూటింగ్ కోసం ధోని మాధిరిగా హెలికాప్టర్ షాట్ ఆడటం ప్రాక్టీస్ చేస్తున్న సుశాంత్ సింగ్ గాయపడ్డాడు. బాల్ పక్కటెముకలకు తాకిగాయమైనట్లు తెలుస్తోంది. సినిమాలో సుశాంత్ సింగ్ రాజ్ పుత్ 7వ నెంబర్ గల టీమిండియా జెర్సీ ధరించి కనిపించనున్నాడు. 7 నెంబర్ అనేది ధోనీకి చాలా స్పెషల్. ఎందుకంటే ధోనీ పుట్టిన రోజు 7/7/1981. జులై నుండి ఈ చిత్రం షూటింగ్ మొదలు కానుంది. వచ్చే ఏడాది నాటికి ఈ సినిమా ప్రేక్షకుల ముందుకు రాబోతోంది. అయితే ఈ చిత్రంలో హీరోయిన్ గా నటించేది ఎవరు? అనేది హాట్ టాపిక్ అయింది. బాలీవుడ్ హీరోయిన్ అలీయా భట్, శ్రద్ధా దాస్, దోచెయ్ హీరోయిన్ క్రిటి సనన్ పేర్లు పరిశీలిస్తున్నట్లు సమాచారం. ఇటీవల క్రీడాకారుల జీవితాలపై తీసిన....‘భాగ్ మిల్ఖా భాగ్', ‘మేరీ కోమ్' లాంటి చిత్రాలకు మంచి ఆదరణ లభించింది. దేశంలో క్రికెట్ ను అభిమానించే వారి సంఖ్యే ఎక్కువ కాబట్టి ఈ చిత్రానికి భారీ స్పందన వస్తుందని ఆశిస్తున్నారు.