బాలీవుడ్ లో బయోపిక్ లకు ఉండే విశిష్టత అంతా ఇంతా కాదు. పర్ ఫెక్జనిజమ్ కోసం వారు చేసే ప్రయత్నాలు, పడే కష్టాలు తెరపై మనకు క్లియర్ గా కనిపిస్తాయి. అందుకే ఆత్మకథలు అక్కడ ఖచ్ఛితంగా బ్లాక్ బస్టర్ లు అవుతాయి. త్వరలో మరో బయోపిక్ బాలీవుడ్ ను పలకరించనుంది. టీమిండియా మాజీ కెప్టెన్ అజారుద్దీన్ జీవితగాథను అజార్ పేరుతో దర్శకుడు టోనీ డిసౌజా తెరకెక్కిస్తున్న సంగతి తెలిసిందే. సీరియల్ కిస్సర్ ఇమ్రాన్ హాష్మీ ఇందులో లీడ్ రోల్ పోషిస్తున్నాడు.
ఇక అజారుద్దీన్ పుట్టినరోజు సందర్భంగా ఇమ్రాన్ అజారుద్దీన్ ఫస్ట్ లుక్ ను రిలీజ్ చేశాడు. మీకు(అజారుద్దీన్) 53వ పుట్టినరోజు శుభాకాంక్షలు. మీకు ఇదే నా పుట్టిన రోజు కానుక. మీలా నేను అంటూ ఓ ఫోటోను ట్విట్టర్లో షేర్ చేశాడు. ఇక ఈ ఫోటోలో హాష్మీ అజారుద్దీన్ జిరాక్స్ కాపీలా ఉన్నాడు. ఆ టైంలో టీమిండియా డ్రెస్ లో ఉండి లుక్ పరంగా కూడా ఆకట్టుకునేలా ఉందా ఫోటో.
రొమాంటిక్ హీరోగా ముద్రపడిన ఇమ్రాన్ హష్మీకి మర్డర్-2 తర్వాత సరైన హిట్ లేనే లేదు. వచ్చిన సినిమాలు వచ్చినట్లే ఫ్లాపులయ్యాయి. దీంతో తన పంథాను మార్చుకుని మొదటిసారి ఓ బయోపిక్ లో నటిస్తున్నాడు. ఇందుకోసం అజారుద్దీన్ ను కలిసి పలు విషయాలు చర్చించటంతోపాటు, మైదానంలో దిగి కాస్త క్రికెట్ పై పట్టుకూడా పెంచుకున్నాడంట. మరి ఇమ్రాన్ కష్టం ఏపాటిదో తెలియాలంటే మే 13దాకా ఆగాల్సిందే. ఇక ఇందులో బాలీవుడ్ ముద్దుగుమ్మలు నర్గీస్ ఫక్రీ, ప్రాచీ దేశాయ్, లారా దత్తాలు కీలకపాత్రల్లో నటించనున్నారు.
.jpg)
