పవర్ స్టార్ పవన్ కళ్యాణ్ అభిమానులకు కొత్త సంవత్సరం సందర్భంగా రెండు తీపి వార్తలు. ఒకటి ఆడియో విడుదలకు ముందే గోపాల గోపాల చిత్రంలోని ‘భజే భజే’ అంటూ సాగే పాటను గురువారం విడుదల చేశారు. వెంకటేశ్‌ను అర్జునుడి లాగా, పవన్ ను శ్రీకృష్ణావతారంగా రథంపై చూపుతున్న స్టిల్ అందుకు తాజా చేరిక. ‘లహరి మ్యూజిక్’ సంస్థ ఈ పాటను ఆన్‌లైన్‌లో విడుదల చేసింది. అనూప్ రూబెన్స్ బాణీలో అనంత శ్రీరామ్ సాహిత్యానికి, యువ గాయకుడు హరిచరణ్ గానం చేసిన ఈ పాట నయానందంగా ఉంటుందని చిత్ర యూనిట్ చెబుతోంది. వందకుపైగా డ్యాన్సర్ల మధ్య ఈ పాటకు పవన్ నర్తించాడట. అంతేకాదు పాటను విన్నాక సంగీత దర్శకుడు అనూప్ కు ప్రత్యేకంగా ఫోన్ చేసి మరీ అభినందించారట! మరి, పవన్‌ను అంతగా ఆకట్టుకున్న ఈ పాట రేపు ప్రేక్షకుల్ని ఎంతగా అలరిస్తుందో వేచి చూడాలి. అన్నట్టు మరో తీపి వార్త ఏంటంటే... పవన్‌కళ్యాణ్ అధికారికంగా ట్విట్టర్ ఖాతాను ప్రారంభించారు. సోషల్ మీడియా పట్ల అంతగా ఆసక్తి చూపని పవన్ ఇఫ్పుడు ఇలా ట్విట్టర్ ద్వారా ఫ్యాన్స్ తో ఏం ముచ్చటిస్తాడో అన్న ఆసక్తి రేకెత్తుతోంది.
.jpg)
