ఇక పోస్టర్లతో ‘రుద్రమదేవి’ ప్రమోషన్ షురూ...

ఎప్పుడో రిలీజవుతుందనుకున్న ‘రుద్రమదేవి’ ఇప్పటికీ ప్రేక్షకులముందుకు రాలేని అవాంతరాలు ఏర్పడుతూనే ఉన్నాయి. వాస్తవానికి బాహుబలికంటే ముందే ప్రేక్షకుల ముందుకు తేవాలని కలలు కన్నాడు గుణశేఖర్. కానీ అతడి ఆశ నెరవేరలేదు. కారణాలేవైనా కానీ.. బాహుబలి తర్వాత విడుదలవడం ‘రుద్రమదేవి’కి మైనస్సనే చెప్పాలి.. బాహుబలి, రుద్రమదేవి.. రెండు సినిమాలూ రాజులు, యుద్ధాలు వంటి సినిమాలే కాబట్టి,  గుణశేఖర్ ఎంత కష్టపడినా ఆ స్థాయిని అందుకోవడం కష్టమేననే అభిప్రాయం అందరిలో ఉంది. కానీ గుణశేఖర్ మాత్రం తన సినిమా మీద చాలా కాన్ఫిడెంట్ గా ఉన్నాడు. ఆగస్టులో సినిమాను రిలీజ్ చేయడానికి సన్నాహాలు చేస్తున్నాడు.
జనాలకు కూడా ఒకప్పుడు రుద్రమదేవి వస్తుందంటే చాలా ఆసక్తి ఉండేది, ఆ తరువాత అర్జున్ ఫస్ట్ లుక్ చూసి మరింత ఆసక్తి పెంచుకున్నారు. కానీ ఇన్నాళ్ళ ఎదురు చూపులతో నిరాశ పడి ఆ సినిమా గురించి ఆలోచించడం మానేశారు. రుద్రమదేవి మీద ఒకప్పుడు బాగానే ఆసక్తి ఉండేది కానీ.. చాలాసార్లు వాయిదా పడటంతో జనాలు ఇప్పుడు అంతగా ఇంట్రెస్ట్ చూపించట్లేదు. ఇప్పుడు బాహుబలి ప్రమోషన్ పద్ధతిని పాటిస్తూ జనాల్లో ఆసక్తి  పెంచాలని గుణశేఖర్ ఆలోచిస్తున్నాడు. సినిమాకు సంబంధించిన పోస్టర్లు ఒక్కొక్కటిగా  రిలీజ్ చేయాలనుకుంటున్నాడు. ఇప్పటికే అనుష్క, అల్లు అర్జున్, రానా దగ్గుబాటిల పోస్టర్స్ రిలీజ్ చేసినప్పటికీ.. ఇప్పుడు ఈ ముగ్గురికి సంబంధించి కొత్త పోస్టర్లకు తోడు.. సినిమాలోని మిగతా పాత్రలకు సంబంధించిన లుక్స్ ఒక్కొక్కటిగా పరిచయం చేయబోతున్నాడు. ఇక రుద్రమదేవిపై నిరాశపడుతున్న జనాల్లో ఉత్సా హం పెంచే ప్రయత్నంలో ఇప్పుడు గుణ శేఖర్ ఉన్నాడన్నమాట.