హోరా హోరీ పాట విడుదల

చిత్రం, నువ్వు నేను, జయం సినిమాతో ప్రేమ కధా చిత్రాలకు సరికొత్త రూపాన్నిచ్చిన దర్శకుడు తేజ. 'అలా మొదలైంది, అంతకుముందు ఆ తరువాత' వంటి మంచి కధా చిత్రాల నిర్మాణ సంస్థ 'శ్రీ రంజిత్ మూవీస్'. ఈ ఇద్దరి కాంబినేషన్ లో రూపొందిన చిత్రమే ‘'హోరా హోరీ’’.  నూతన నటీ నటులతో మరోమారు హోరా హోరీతో ప్రేమ కథా  ప్రయత్నం చేశారు తేజ. 
ఈ ప్రేమ కథా చిత్రాన్ని ఓ కొత్త కోణంలో 'తేజ' తెరకెక్కించిన తీరు మాత్రం ప్రశంసనీయంగా ఉంటుందని చిత్రయూనిట్ సభ్యులు అంటున్నారు. ఇటీవల ఈ చిత్రం విడుదల చేసిన ప్రచార చిత్రాలకు మంచి రెస్పాన్స్ వచ్చింది. సినిమా ప్రస్తుతం నిర్మాణాంతర కార్యక్రమాలను జరుపుకుంటుంది. కోడూరి కళ్యాణ్ సంగీతం అందించిన ఈ  సినిమాలోని ఒక పాటను గురువారం రేడియో మిర్చిలో రిలీజ్ చేశారు. ఈ కార్యక్రమంలో దర్శకుడు తేజ, సంగీత దర్శకుడు కోడూరి కళ్యాణ్, మధుర శ్రీధర్, హీరో హీరోయిన్లు పాల్గొన్నారు. ఆడియో త్వరలోనే మధురు ఆడియో ద్వారా విడుదలవుతుందని తెలియజేశారు.
ఈ చిత్రానికి సంగీతం: కోడూరి కళ్యాణ్: పాటలు: పెద్దాడ మూర్తి: రచనా సహకారం: ఆకెళ్ళ శివప్రసాద్, బాలకుమారన్, కెమెరా: దీపక్ భగవంత్; ఎడిటర్: జునైద్; కాస్ట్యూమ్ డిజైనర్; శ్రీ;  స్టంట్స్: పాంథర్ నాగరాజు: నృత్యాలు: శంకర్, కెవిన్; సహ నిర్మాతలు: వివేక్ కూచిభొట్ల, జగన్ మోహన్ రెడ్డి. వి ; నిర్మాత: కె.ఎల్.దామోదర్ ప్రసాద్; కధ-స్క్రీన్ ప్లే- మాటలు- దర్శకత్వం: తేజ