జగపతి బాబు జీవితం ‘సముద్రం’ సీరియల్ లో...

ఎన్ని సినిమాల్లో నటించాడు ఈ హీరో... చాలా సక్సెస్ లే ఇచ్చాడు. ఒక దశలో సౌందర్యతో నటించిన చాలా సినిమాలు సక్సెస్ అయ్యాయి. ఆ హీరోయిన్ తో ఏవో రూమర్స్... సినిమా జీవితం ఇలా ఉంటే... ఒకప్పుడు అత్యధిక హిట్ సినిమాలు నిర్మించిన నిర్మాత రాజేంద్ర ప్రసాద్ జగపతి పిక్చర్ బేనర్ వ్యవస్థాపకుడు కూడా. జగపతి బాబు పుట్టుకతో శ్రీమంతుడు... ఇంత హిస్టరీ ఉన్న ఈయనకు ఫైనాన్స్ ట్రబుల్స్ ఏమిటి? నమ్మకంగా లేదు కదా...? మరి అదే... ఆయన జీవితం ఇప్పుడు బుల్లి తెర మీద చూడబోతున్నాం... జగపతిబాబు జీవితం ఆధారంగా ఓ ధారావాహిక రూపొందుతోంది!
ప్రముఖ నిర్మాత వి.బి. రాజేంద్ర ప్రసాద్ కొడుకుగా గోల్డెన్ స్పూన్ తో పుట్టి.. కథానాయకుడిగా ఎదిగిన జగపతిబాబు జీవితంలో ఎత్తుపల్లాలెన్నో! సముద్రంలోని ఆటుపోట్లకు మల్లే... జగపతి జీవితంలోనూ ఎన్నో ఒడిదుడుకులున్నాయి. అందుకే కాబోలు... జగపతిబాబు జీవితం ఆధారంగా తెరకెక్కనున్న బుల్లితెర ధారావాహికకు.. సముద్రం అనే టైటిల్ నిర్ణయించారు. పైగా ఈ పేరుతో జగపతిబాబు నటించిన సినిమా ఒకటుంది. జగపతిబాబు నేపథ్యంహీరోగా సాధించిన విజయాలుఎదుర్కొన్న అపజయాలుసోషల్ లైఫ్ తో పాటు వ్యక్తిగత జీవితంలో ఆయన వ్యవహారశైలి వంటి విషయాలను.. ఈ సీరియల్ లో జగపతిబాబే స్వయంగా వివరిస్తాడట. ఓ ప్రముఖ ఛానల్ లో పదమూడు ఎపిసోడ్స్ గా ఈ సీరియల్‌ ప్రసారం కానుంది. ఓటమి అంచుకు చేరినప్పటికీ.. నిరాశతో కుంగిపోకుండా ముందుకు సాగాలన్నదే ఈ సముద్రం సీరియల్ ప్రధాన ఉద్దేశమట. బుల్లితెర జగపతిబాబు కొత్తేమీ కాదు... గతంలోనూ కొన్ని రియాల్టీ షోస్ నిర్వహించిన అనుభవం ఈయనకు ఉంది. అయితే ఈసారి తన జీవిత కథతోనే.. బుల్లితెరపై కన్పించనుండటం విశేషం. సినీ హీరోగా ఎన్నో సక్సెస్ లు ఇచ్చారు. ఇప్పుడు క్యారెక్టర్ యాక్టర్ గానూ బిజీగానే ఉన్నాడు లెజెండ్, శ్రీమంతుడు, ఎన్టీఆర్ తో ఓ సినిమాలో ఇప్పుడు చేస్తున్నాడు. ఓ తమిళ సినిమా కూడా చేస్తున్నాడట. ఎప్పుడూ సినిమాతో టచ్ లోనే ఉంటున్న ఈ హీరోకు ఉన్న ఒడిదొడుకులు ఏమిటో ఈ సీరియల్ లో ఇప్పటివరకూ చెప్పని సంగతులు ఏమైనా చెపుతాడేమో చూద్దాం...