లుంగీ సీన్ లో చుక్కలు చూపించాడట మహేష్

డైరెక్టర్లు కొత్తగా ఏదో చేద్దామని చెపితే ఏ స్టార్ హీరో అయినా వెంటనే ఒకే చెప్పేస్తారు... మహేష్ బాబూ అంతే... ఎప్పుడూ ఒకేలా కాకుండా కొత్తగా ఏదైనా చేద్దామనే చూస్తాడట. కానీ అదేంటో ఈ హీరోకి వళ్ళంతా కప్పుకునే చేస్తాడు. కనీసం షర్ట్ పై బటన్ కూడా విప్పడానికి ఇష్టపడడు. అయినా... ఎంత క్రేజ్ ఈ హీరోకి. అందరూ హీరోలూ సిక్స్ పాక్స్ అంటూ ట్రై చేస్తుంటే, ఈ హీరో చొక్కా విప్పనంటే ఎలా? ఓ సారి ఈ హీరో కండలు చూపిస్తాడట రాబోయే సినిమాలో అని... వార్త కూడా వచ్చింది. కానీ కథ పరంగా అత్యవసరం అనుకున్నా కూడా వన్ నేనొక్కడినేలో తన కండలను ప్రదర్శించలేదు. అలాంటి ప్రిన్స్ శ్రీమంతుడు పోస్టర్ పై లుంగీతో కనిపించే సరికి ఆశ్చర్యంగా చూశారందరూ. కానీ ఈ లుంగీ కథను ఇప్పుడు చిత్ర యూనిట్ చెప్పుకొచ్చింది. దూకుడు టైమ్ లో పంచె కట్టి ఓ సాంగ్ లో చిందేశాడు మహేశ్ బాబు....ఆ డ్రెస్సులో డాన్స్ చేయడానికి చాలా ఇబ్బంది పడ్డానన్నాడు మహేష్... ఇప్పుడు ఈ లుంగీ సీన్ వెనుక తాము ఎంత కష్టపడిందీ స్వయంగా దర్శకుడు కొరటాల శివ ఫ్యాన్స్ తో షేర్ చేసుకున్నాడు.... లుంగీ కట్టి సీన్ చేసేందుకు మహేశ్ ఇబ్బంది పడటమే కాక... యూనిట్ మొత్తాన్ని ముప్పుతిప్పలు పెట్టి మూడు చెరువుల నీళ్లు తాగించేశాడట.... ఎక్స్ పోజింగ్ చేసేందుకు మొహమాట పడుతూ టేక్ ల మీద టేక్ తినేస్తూ సుమారు ఆరుగంటల టైమ్ తీసుకున్నాడట మహేష్... ఆయన తిప్పలు ఈ చిత్ర బృందానికి చాలా సరదా అయిపోయిందట. ఈ ఆరుగంటలూ ఫుల్ ఎంజాయ్ చేశారట యూనిట్ వారంతా...