.jpg)
మహేష్ బాబు నటించిన శ్రీమంతుడు ఎంత సూపర్ హిట్ అయ్యిందో... ఈ సినిమా ఇంకో రకంగా కూడా సంచలనం సృష్టించింది. ఈ సినిమా వల్ల చాలా మంది ఊరిని దత్తత తీసుకునే కార్యక్రమం చేపట్టి సామాజిక సేవా కార్కక్రమాల్లో పాలు పంచుకునేలా చేసింది. ఈ సినిమా ఎంతో మందికి స్ఫూర్తి కలిగించింది. నటుడు ప్రకాష్ రాజ్ ఓ ఊరిని దత్తత తీసుకున్నారు. ఈ సినిమా తరువాతే శృతి హాసన్ కూడా ఓ ఊరిని దత్తత తీసుకుంటున్నట్టు ప్రకటించింది. కేవలం సందేశాన్ని ఇవ్వడమే కాకుండా ఆంధ్ర, తెలంగాణాలో ఒక్కో గ్రామాన్ని దత్తత తీసుకోవడానికి సిద్దం అయ్యాడు సూపర్ స్టార్ మహేష్ బాబు. ఆంధ్రలో తన సొంత ఊరైన బుర్రిపాలెం ని తీసుకోవడం గురించి అంతకు ముందే ప్రకటించాడు. ఇప్పుడు తెలంగాణాలో ఏ గ్రామాన్ని దత్తత తీసుకోవాలనే విషయంపై నిర్ణయం తీసుకున్నారు. మబూబ్ నగర్ జిల్లా కొత్తూర్ మండలంలోని సిద్దాపురం గ్రామాన్ని దత్తత తీసుకుంటున్నట్టు ప్రకటించాడు. ప్రస్తుతం మహేష్ బాబు టీం సిద్దాపురంని ఎలా డెవలప్ చెయ్యాలి అనే విషయంలో గ్రౌండ్ వర్క్ చేస్తోంది. త్వరలోనే దత్తత విషయంలో అన్ని కార్యక్రమాలను పూర్తి చేసి అభివృద్ధి పనులను చేపట్టబోతోంది.
.jpg)
