ఇక బ్రహ్మోత్సవంతో బిజీ కానున్న మహేష్

సీతమ్మ వాకిట్లో తరువాత మహేష్ తెరమీదకు నెంబర్ 1, ఆగడు తో  వచ్చినప్పటికీ అవి డిజాస్టర్ అయినందుకు మహేష్ సినిమాకు గ్యాప్ ఎక్కువగా వచ్చినట్టు అనిపిస్తోంది. మళ్ళీ సక్సెస్ ఫుల్ సినిమా సీతమ్మ వాకిట్లో కాంబినేషన్ తో డైరెక్టర్ శ్రీకాంత్ అడ్డాల- మహేష్ లతో రాబోతున్న సినిమా ‘బ్రహ్మోత్సవం’. ఈ చిత్రాన్ని పివిపి సినిమా పతాకంపై ప్రసాద్ వి. పొట్లూరి నిర్మించబోతున్నారు. మే 31న ఈ సినిమా పూజా కార్యక్రమాలను జరుపుకుంది. ఆ తర్వాత ప్రీ ప్రొడక్షన్ కార్యక్రమాలన్నింటినీ పూర్తి చేసుకొని సెట్స్‌పైకి వెళ్ళింది. తెలుగు, తమిళ భాషల్లో ఏకకాలంలో తెరకెక్కనున్న ‘బ్రహ్మోత్సవం’ ఫస్ట్ షెడ్యూల్ గత వారమే మొదలైనా, మహేష్ ఇంకా షూటింగ్‌లో జాయిన్ అవ్వలేదు. ప్రస్తుతం మహేష్ తన ‘శ్రీమంతుడు’ సినిమా డబ్బింగ్ పనులలో బిజీగా ఉన్నారు. ఈ వారంలో శ్రీమంతుడు ఆడియో రిలీజ్ చేయడానికి సిద్ధమవుతున్నారు. దీంతో శ్రీమంతుడు రిలీజ్ కు సిద్ధమవుతుంది. ఇక మహేష్ బ్రహ్మోత్సవం షూటింగ్‌లో పాల్గొననున్నట్టు తెలుస్తోంది.
విజయవాడ నేపథ్యంలో తెరకెక్కే ఈ ఫ్యామిలీ డ్రామాలో మహేష్ ఫ్యామిలీలో సుమారుగా 50మందికి పైనే ఉండనున్నట్లు తెలుస్తోంది. ఈ 50 పాత్రలను తెలుగు సినిమాల్లో మంచి పేరున్న క్యారెక్టర్ ఆర్టిస్టులను ఎంపిక చేశారట. సంక్రాంతి కానుకగా జనవరి 8న విడుదల కానున్న ఈ సినిమాలో మహేష్ సరసన సమంత, కాజల్ అగర్వాల్, ప్రణీతలు హీరోయిన్లుగా నటిస్తున్న విషయం ఇంతకుముందే తెలిసిన విషయమే.