కొరటాల శివ దర్శకత్వంలో సూపర్‌స్టార్‌ మహేష్ బాబు నటించిన శ్రీమంతుడు పాటల వేడుక శనివారం రాత్రి (18 జులై ) అట్టహాసంగా జరిగింది. ఈ చిత్రంలో శృతిహాసన్ మహేష్ తో తొలిసారిగా జత కట్టింది. నవీన్‌యర్నేని, వై.రవిశంకర్‌, మోహన్‌ నిర్మాతలు. దేవిశ్రీప్రసాద్‌ స్వరాలు అందించారు. మైత్రి మూవీమేకర్స్‌, ఎం.బి. ఎంటర్‌టైన్‌మెంట్‌ ప్రై.లి. బ్యానర్‌్భపై ఈ చిత్రాన్ని నిర్మించారు. హీరో విక్టరీ వెంకటేష్ ఆడియో సీడీలను ఆవిష్కరించి, తొలి సీడీని ఆంధ్రప్రదేశ్ మినిష్టర్ గంటా శ్రీనివాసరావుకి అందించారు. ఈ ఆడియో విడుదల కార్యక్రమంలో మహేష్ బాబు, శృతిహాసన్, సూపర్‌స్టార్‌ కృష్ణ, విజయనిర్మల, నమ్రత శిరోద్కర్, గౌతమ్, వి.వి.వినాయక్‌, జగపతిబాబు, ఆదిశేషగిరిరావు, శ్రీకాంత్‌ అడ్డాల తదితరులు పాల్గొన్నారు.
ఈ సంధర్భంగా సూపర్‌స్టార్‌ కృష్ణ మాట్లాడుతూ... ‘శ్రీమంతుడు’ టీజర్‌, ట్రైలర్స్‌ చూశాను. చాలా బాగుంది. ‘మిర్చి’ లాంటి సూపర్ హిట్ చిత్రాన్ని డైరెక్ట్ చేసిన కొరటాల శివ ‘శ్రీమంతుడు’ చిత్రాన్ని డైరెక్ట్ చేయడం చాలా ఆనందంగా ఉంది. అలాగే దేవిశ్రీప్రసాద్‌ సంగీతం అందించడం చాలా సంతోషంగా ఉంది. ఈ సినిమా పెద్ద సక్సెస్ అయ్యి, నిర్మాతలకు మంచి లాభాలను తీసుకురావాలని కోరుకుంటున్నాను అని అన్నారు.
విక్టరీ వెంకటేష్ మాట్లాడుతూ... చిన్నోడి అభిమానులకు నేను చెప్పేది ఒక్కటే! మీకు, మీ అభిమానులందరికీ దిమ్మ తిరిగిపోతుంది... కలెక్షన్స్‌ బద్ధలైపోతుందని చెబుతున్నాను. ‘శ్రీమంతుడు’ చిత్ర యూనిట్ కి ఆల్‌ ది బెస్ట్‌ అని అన్నారు. ఈ సందర్భంగా మహేష్ మాట్లాడుతూ... ''అభిమానులు ఎప్పుడూ నా గుండెల్లోనే ఉంటారు. వాళ్ల కోసం మంచి సినిమాలు చేసేందుకే ప్రయత్నిస్తుంటా. పోయినసారి కాస్త నిరుత్సాహపరిచాను. అందులో నా తప్పుంటే క్షమించండి''అన్నారు మహేష్‌బాబు.
.jpg)
