ఫోర్బ్స్ పత్రికలో మహేష్ బాబు

ప్రపంచ ప్రఖ్యాత మేగజైన్ ఫోర్బ్స్ దృష్టి మన తెలుగు సినిమాలపై పడినట్టుంది. బాహుబలితో తెలుగు సినిమాకు ప్రపంచ గుర్తింపు తీసుకువచ్చారు. ఈ సినిమా గురించి కూడా ఇటీవల వార్తా కథనాన్ని ప్రచురించింది ఈ పత్రిక. రాజమౌళి ప్రతిభ గురించీ, హీరో ప్రభాస్ గురించి గొప్పగా రాసుకొచ్చింది. ఇప్పుడు ఇదే తరహా సూపర్ స్టార్ మహేష్‌ బాబుపై ఓ కథనాన్ని ప్రచురించింది. ‘సౌతిండియన్ స్టార్ మహేష్ బాబు ‘శ్రీమంతుడు’ తో సాహసం చేశారు’ అనే శీర్షికన ఫోర్బ్స్ మహేష్‌పై కథనాన్ని ప్రచురించింది. అంతకు ముందు యన సినిమాలు ‘1 నేనొక్కడినే’, ‘ఆగడు’ రెండు చిత్రాలూ ఫ్లాప్ అయ్యాయనీ, ఇప్పుడు ‘శ్రీమంతుడు’ సినిమాకు మహేష్ బాబు స్వయంగా ఓ నిర్మాత కూడా కావడం ఓ సాహసమే అని... ఆ సాహసం ఇప్పుడు ఆయనను విజయం దిశవైపు నడిపిస్తోందని తెలిపింది. ఈ సినిమా మంచి విజయం, కలెక్షన్లు రాబట్టడం ఆయనకు ఈ ఏడాది మంచి పుట్టినరోజున కానుక అయ్యిందని ఫోర్బ్స్ పేర్కొంది. ఇక మహేష్ లాంటి ఓ పెద్ద స్టార్ కోట్లలో ఉండే తన రెమ్యూనరేషన్‌ను కాదని, సినిమా నిర్మాణంలోనూ భాగం కావడంతో శ్రీమంతుడు బడ్జెట్ తగ్గి, విడుదలైన వారానికే సినిమాతో సంబంధమున్న వారు లాభాలు పట్టే అవకాశాలను తెచ్చిపెట్టిందని ఫోర్బ్స్ ఈ కథనంలో ప్రచురించింది. ఈ సినిమాలోనూ నలుగురికోసం మంచి పని చేసే హీరో కావడం, బయట కూడా తన చిత్రాల్లో తాను భాగస్వామి అవుతూ నలుగురినీ లాభపడేలా చేసే మొదటి  తెలుగు హీరో కావడం విశేషం.