బాలీవుడ్ బ్యూటీలు ఎప్పటినుంచో సౌత్ లో ఎంట్రీ కోసం తెగ ప్రయత్నిస్తున్నారు. ఆ మధ్య సోనాక్షి సిన్హా ఏకంగా రజనీకాంత్ తో జోడీ కట్టగా, దీపికా పదుకునే సౌత్ నుంచే తన కెరీర్ ను ఆరంభించింది. అయితే తెలుగు తప్ప సౌత్ లోని అన్ని భాషల్లో బాలీవుడ్ భామలు అడపాదడపా నటించారు. ఇప్పుడున్న యంగ్ భామలు మాత్రం తెలుగు ఇండస్ట్రీ పై కన్ను సారిస్తున్నారు. అవకాశం దొరకాలే గానీ అల్లుకుపోతామని హింట్ కూడా ఇస్తున్నారు. ఇక తాజాగా ఓ బాలీవుడ్ హాట్ బ్యూటీ తెలుగులో నటించేందుకు ఫ్లాట్ ఫామ్ సిద్ధం చేసుకుందట.
సుకుమార్ తో సినిమా తర్వాత ఎన్టీఆర్ కొరటాల శివ దర్శకత్వంలో ఓ సినిమాలో నటించనున్నాడు. విజయదశమి రోజున ఈ సినిమా లాంఛనంగా పూజా కార్యక్రమాలతో ప్రారంభమైంది. త్వరలోనే సెట్స్ పైకి వెళ్లనుంది. ఈ సినిమాలో యంగ్ టైగర్ సరసన సరిపోయే జోడీ కోసం చిత్ర యూనిట్ హీరోయిన్ వేట మొదలెట్టింది. అయితే ఫిల్మ్ నగర్ సమాచారం ప్రకారం బాలీవుడ్ ముద్దుగుమ్మ పరిణితి చోప్రాకు ఈ అవకాశం దక్కినట్లు తెలుస్తోంది. చిత్ర యూనిట్ ప్రస్తుతం పరిణితి చోప్రాతో సంప్రదింపులు జరిపినట్లు సమాచారం. మరి ఈ ముద్దుగుమ్మ గ్రీన్ సిగ్నల్ ఇస్తే.. పరిణితి తొలి తెలుగు సినిమా అవుతుంది. అవకాశం దొరికితే తెలుగులో నటించేందుకు సిద్ధమని ఆ మధ్య చెప్పేసింది కూడా. అంతేకాదు తన ఫేవరెట్ హీరో బన్నీ అని కూడా చెప్పింది. మరి ఎన్టీఆర్ తో జోడీకి పరిణితి సై చెబుతుందా అన్నది వేచిచూడాలి.
.jpg)
