సినిమాలో నాగార్జున ప్రాబ్లం ఏమిటో ఏమో గానీ.... ఎక్కడ చూసినా కార్తీ వీల్ చెయిర్ తోస్తూనే ఉన్నారు పాపం. నాగార్జున మాత్రం దర్జాగా వీల్ చెయిర్ లో కూర్చొని పూర్తి సినిమా తోయించుకున్నట్టే కనిపిస్తున్నాడు. కింగ్ నాగార్జున – తమిళ యంగ్ హీరో కార్తీ కాంబినేషన్ లో ఒకేసారి తెలుగు, తమిళ భాషల్లో రూపొందుతున్న ఈ సినిమా షూటింగ్ చివరి దశకు చేరుకుంది. వంశీ పైడిపల్లి డైరెక్షన్ లో వస్తున్న ఈ స్టైలిష్ యాక్షన్ ఎంటర్టైనర్ లో తమన్నా హీరోయిన్ గా కనిపించనుంది. ఇటీవలే ఈ చిత్ర టీం లండన్ లో ఓ మేజర్ షెడ్యూల్ ని పూర్తి చేసుకొని ఇండియాకి తిరిగి వచ్చారు. ఆ తర్వాత కాస్త విరామం తీసుకున్న ఈ చిత్ర టీం లేటెస్ట్ షెడ్యూల్ ని హైదరాబాద్ లో షూటింగ్ జరుపుకుంటోంది. ప్రస్తుతం నాగార్జున – కార్తీలపై వచ్చే కొన్ని కీలక సన్నివేశాలను షూట్ చేస్తున్నారు. ఈ షెడ్యూల్ తో దాదాపు సినిమా పూర్తయ్యే అవకాశం ఉంది. ఈ సినిమాలో వీరితో పాటు ఓ ముఖ్య పాత్రలో అనుష్క – అడవి శేష్ జంటగా కనిపించనున్నారు. ఇప్పటికే 80% పైన షూటింగ్ పూర్తి చేసుకున్న ఈ సినిమా హాలీవుడ్ మూవీ ‘ది ఇంటచబుల్స్’ కి రీమేక్ గా తెరకెక్కుతోంది. పివిపి బ్యానర్ పై పరమ్ వి పొట్లూరి నిర్మిస్తున్న ఈ సినిమాకి గోపి సుందర్ మ్యూజిక్ అందిస్తున్నారు.
.jpg)
