ఓంకారన్నయ్య ‘రాజుగారి గది‘లో ఏముంటుందో?

ఓంకారన్నయ్య చాలా రోజులుగా బుల్లితెర మీద కనిపించడం మానేశాడండీ... కారణం... ఆయన సిల్వర్ స్క్రీన్ కోసం పనిచేస్తున్నట్టున్నారు. సినిమాల్లోనూ, బయటా ఆయనను ఇమిటేట్ చేస్తూ చాలా మంది సెటైర్లు వేస్తుంటారు. డైరెక్టుగా ఆయన్ను ఇమిటేట్ చేసినా పాపం చిరునవ్వుతో రిసీవ్ చేసుకుంటాడు. ఆట ప్రోగ్రామ్ ఫైనల్ లో లారెన్స్ రాఘవ ఆయన పరుగెత్తుకొచ్చే తీరును... ఇమిటేట్ చేసి ప్రేక్షకులను నవ్వించాడు. అయినా ఓంకారన్నయ్య ఏమీ అనుకోలేదు.  ఆ మధ్య ‘జీనియస్’ సినిమా తీసి చేతులు కాల్చుకున్నాడు ఈ యాంకర్ కం ప్రొడ్యూసర్. అయినా తిరిగి బుల్లితెర వైపుకు రాకుండా  దర్శకుడిగా మరోసారి తన అదృష్టాన్ని పరీక్షించుకునే ప్రయత్నం  చేస్తున్నాడు. ఇప్పుడు అతడి రెండో సినిమా ‘రాజు గారి గది’ తెరకెక్కబోతోంది. చాలా చిత్రమైన టైటిల్ తో వస్తున్న ఈ సినిమాలో ఓంకార్ తమ్ముడు అశ్విన్ హీరోగా నటిస్తున్నాడు. తేజస్వి మదివాడ కథానాయిక.
దాదాపు ఏడాది కిందటే మొదలైన ఈ సినిమా త్వరలోనే విడుదలకు సిద్ధమవుతోంది. అయితే ఈ సినిమాకు ప్రమోషన్ కోసం ఓ ప్రత్యేక వీడియో చేసి విడుదల చేశాడు. చాలామంది సినీ ప్రముఖులతో ఏంటీ ‘రాజుగారి గది’ అని అడిగిస్తున్నాడు ప్రోమోలో... ఇందులో విక్టరీ వెంకటేష్, నాని, శ్రీకాంత్, సందీప్ కిషన్, నిఖిల్, మధునందన్, సుమ, పరుచూరి వెంకటేశ్వరరావు, రోహిత్, సంపూ, సాయికుమార్, సప్తగిరి, జబర్దస్త్ వేణు, నాగశౌర్య, నందిని రెడ్డి, పృథ్వీ, తనీష్, మంచు లక్ష్మి, రాజేష్, హర్ష, సత్య, ఛోటా కే నాయుడు, తరుణ్, ప్రిన్స్, ప్రభాకర్, షకలక శంకర్ తదితరులు కనిపించారు. అయితే ఈ సినిమా టీజర్ ను మాత్రం వినాయక చవికితికి విడుదల చేసే ప్లాన్ లో ఉన్నారు. మరి రాజుగారి గదేంటో... ఆ కథేంటో.... పేరు వింటుంటే మాత్రం ఈయన పిల్లల ప్రోగ్రాం మాయా ద్వీపంలోని ఓ గదిలా అనిపిస్తోంది.