హాలీవుడ్ తోపాటు యావత్ సినీ జగత్ ఆసక్తిగా ఎదురుచూస్తున్న అవార్డుల పండగ వైభవంగా జరుగుతోంది. యూఎస్ లాస్ ఎంజిల్స్ లోని డాల్టీ థియేటర్లో ప్రతిష్టాత్మకంగా జరుగుతున్న ఈ వేడుకలో ఒక్కో విభాగంలో అవార్డులను అందజేస్తున్నారు. ప్రపంచంలోని పలువురు ప్రముఖ నటీనటులు ఈ కార్యక్రమానికి హాజరయ్యారు. ఇక అవార్డుల విషయానికొస్తే... ఉత్తమ నటుడి అవార్డును ఎడ్డీ రెడ్ మైనే కైవసం చేసుకున్నాడు. ది థియరీ ఆఫ్ ఎవిరిథింగ్ అనే చిత్రానికి ఆయన ఈ అవార్డును పొందాడు. అలాగే స్టిల్ అలిస్ చిత్రానికి గానూ ఉత్తమ నటి అవార్డును జులియానే మూర్ దక్కించుకుంది. ఈ అవార్డుతో కలిపి జులియానే మూర్ ఆస్కార్ అవార్డును గెలుచుకోవడం ఇది ఐదోసారి. గతంలో రెండుసార్లు ఉత్తమ నటి, మరో రెండుసార్లు సహాయనటిగా ఆమె ఆస్కార్లను అందుకున్నారు. బర్డ్ మెన్ చిత్రానికి దర్శకత్వం వహించిన అలెజాండ్రో జీ ఇనారిట్టు ఉత్తమ దర్శకుడిగా అవార్డు దక్కించుకున్నారు. ఇక ఇప్పటిదాకా బెస్ట్ డైరక్టర్ తో కలిపి నాలుగు విభాగాల్లో బర్డ్ మెన్ అవార్డులను అందుకుంది. మరోవైపు పిప్‌లాష్ చిత్రంలో సహాయనటుడిగా నటించిన జెకె సిమన్స్‌కు ఉత్తమ సహాయనటుడిగా అస్కార్ అవార్డు దక్కింది.
.jpg)
