‘ఎఫైర్’ ట్రైలర్ రిలీజ్...

బుల్లితెర నటుడు శ్రీరాజన్ దర్శకత్వంలో హాట్ భామలు ప్రశాంతి, గీతాంజలి ముఖ్య పాత్రలుగా తెరకెక్కుతున్న సినిమా ‘ఎఫైర్’. ఈ చిత్రం ట్రైలర్, పోస్టర్స్ చూస్తుంటే మొత్తం ఇద్దరమ్మాయిల మీదే తీసినట్టు కనిపిస్తుంది. వీరిద్దరిదే ఈ ఎఫైర్ అన్నట్టు కూడా తెలిసిపోతోంది. ఇటీవల బాహాటంగానే చెప్పుకుంటున్న ఇలాంటి ఎఫైర్స్ మీదే కథ సాగుతున్నట్టు తెలుస్తోంది. భీమవరం టాకీస్ పతాకంపై తుమ్మలపల్లి రామసత్యనారాయణ నిర్మిస్తున్నారు. ఈ చిత్ర ట్రైలర్ ను ఇటీవలే హైదరాబాద్ లోని ప్రసాద్ లాబ్స్ లో విడుదల చేసారు. ఈ కార్యక్రమానికి దర్శకుడు ఎన్ శంకర్, వల్లూరిపల్లి రమేష్, ప్రతాని రామకృష్ణ గౌడ్, వాసు మంతెన తదితరులు హాజరయ్యారు. ఈ సంధర్భంగా చిత్ర మోషన్ పోస్టర్ మరియు ట్రైలర్స్ ను విడుదల చేసారు. ఈ సంధర్భంగా నటుడు, దర్శకుడు శ్రీరాజన్ మాట్లాడుతూ... ‘ఎఫైర్’ చిత్రాన్ని తెరకెక్కించేందుకు సహకరించిన తమ్మలపల్లి రామసత్యనారాయణ గారికి కృతజ్ఞతలు. అలాగే ఈ సినిమా కథ విని తాము చేస్తామని ముందుకొచ్చి, ధైర్యాన్నిచ్చి అండగా నిలిచిన ప్రశాంతి, గీతాంజలిలకు కృతజ్ఞతలు. ఈ చిత్రం ప్రేక్షకులకు ఓ సరికొత్త అనుభూతిని కలిగిస్తుంది అని చెప్పుకొచ్చారు. కార్యక్రమంలో పాల్గొన్న వారంతా చిత్రం మంచి విజయం సాధించాలని ఆశాభావం వ్యక్తం చేసారు. ఈ చిత్రాన్ని త్వరలోనే ప్రేక్షకుల ముందుకు తీసుకురావడానికి చిత్ర యూనిట్ సన్నాహాలు చేస్తున్నారు. మరి ఈ విభిన్నమైన కథాంశంతో రూపొందుతున్న ఈ చిత్రం ఎలాంటి విజయం సాధించనుందో త్వరలోనే తెలియనుంది.