మరో బయోపిక్ లో ప్రియాంక చోప్రా?

బాలీవుడ్ కథానాయికలో ప్రియాంక చోప్రాది ఎప్పుడూ ప్రత్యేక స్థానమే. విభిన్నమైన కథాంశాలను మాత్రమే ఎంచుకుంటూ తన ప్రత్యేకతను చాటుకుంటోంది. భారత చిత్రాలతోపాటు ఈ మధ్య ఇంగ్లీష్ సీరియల్ క్వాంటికోలో హాట్ హాట్ గా నటించి తన స్థాయిని ఖండాంతరాలు దాటించేసుకుంది. ఆ మధ్య భారత బాక్సర్ 'మేరికోమ్' పాత్రలో అసమానమైన నటనను ప్రదర్శించి, అందరిచేత ప్రశంసలు అందుకున్న ప్రియాంక చోప్రా ఇప్పడు మరో బయోపిక్ పై కన్నేసినట్లు తెలుస్తోంది.

అంతరిక్ష వ్యోమగామి కల్పనా చావ్లా జీవిత కథలో ఆమె నటించేందుకు ఓకే చెప్పిందట. అంతరిక్షయానం చేసిన తొలి భారతీయ మహిళగా కల్పనా చావ్లా ఎంతోమందికి స్ఫూర్తిగా నిలిచింది. అయితే, ఆమె అంతరిక్షం నుంచి తిరిగి వస్తూ 'కొలంబియా' స్పేస్ షటిల్ పేలిపోవడంతో దుర్మరణం చెందడం ఒక విషాదం.

కాగా, ఆమె ఆ స్థాయికి చేరుకోవడానికి ఎన్నో పరిస్థితులను అధిగమించవలసి వచ్చింది. ఆ విశేషాల సమాహారంగా నిర్మితం కానున్న ఒక సినిమాకి ప్రియాంక చోప్రా గ్రీన్ సిగ్నల్ ఇచ్చింది. ఒక స్టార్ డైరెక్టర్ ఈ సినిమాను తెరకెక్కించేందుకు సన్నాహాలు చేస్తున్నాడట. భారత బాక్సర్ 'మేరికోమ్' పాత్రలో అసమానమైన నటనను ప్రదర్శించి, అందరిచేత ప్రశంసలు అందుకున్న ప్రియాంక చోప్రా, కల్పనా చావ్లా జీవితకథ ఆధారంగా రూపొందుతోన్న సినిమాలో ఆ పాత్రకి ఆమె ఏ మేరకు న్యాయం చేస్తుందో చూడాలి.