రుద్రమ మీద జక్కన్న జోస్యం

ఎప్పుడూ తన సినిమా పనులతో బిజీగా ఉండే రాజమౌళి, ఇతర సినిమాలపై కూడా ఓ దృష్టి ఉంచుతాడు. సినిమాలు తీయడమే కాదు ప్రతి సినిమాను తనదైన విమర్శనా దృష్టితో చూసి, నచ్చిన వాటిపై ట్విట్టర్లో కామెంట్లు చేయడం అలవాటు. అలా అని ప్రతి సినిమా మీదా కామెంట్ చేయడు. తన సినిమాలు ఎలా గైతే వాల్యుబుల్ గా ఉండాలనుకుంటాడో... తన కామెంట్ కూ అంతే ప్రత్యేకత టుంది. ఆయన సినిమా గురించి కాకుండా ఇంకో సినిమా గురించి ఏమైనా కామెంట్ చేశారంటే కచ్చితంగా అందులో విశేషం ఉండే ఉంటుంది. ఆయన ట్రైలర్లు చూసి కూడా కామెంట్ చేస్తుంటాడు. ఆయన స్పందించాడంటే అది హిట్ చిత్రమవుతుందని ఇండస్ట్రీలో ఓ టాక్ ఉంది. అంతకు ముందు ఆయన 
అత్తారింటికి దారేది, లెజెండ్, టెంపర్, భలే భలే మగాడివోయ్ సినిమాల గురించి చెప్పినవి నిజాలయ్యాయి. ఆ సినిమాలన్నీ సూపర్ హిట్లు. రాజమౌళి ఏదైనా సినిమా చూడాలని ఉత్సాహం చూపించాడంటే ఆ సినిమా సూపర్ హిట్టే అని జనాల నమ్మకం. అందుకే తమ సినిమాల గురించి రాజమౌళి ట్వీట్ చేస్తే బాగుణ్నని చాలామంది నిర్మాతలు ఆశగా చూస్తుంటారు. అయితే ఇప్పుడు జక్కన్న ‘రుద్రమదేవి’ గురించి మాట్లాడటం గుణశేఖర్ బృందాన్ని చాలా ఉత్సాహ పరిచింది. రుద్రమదేవి హిందీ ట్రైలర్ చూశానని.. అది చాలా బాగుందని.. అనుష్క స్క్రీన్ ప్రెజెన్స్ అద్భుతమని.. రుద్రమదేవి 3డీ క్వాలిటీ చాలా బాగుందని విన్నానని రాజమౌళి అన్నాడు. తాను 2డీలో చూడాలనుకుంటుంటే, తన ఫ్యామిలీ మెంబర్స్ మాత్రం 3డీలో చూద్దామని పట్టుబడుతున్నారని తాను రెండు ఫార్మాట్లలోనూ సినిమాను చూస్తానేమో అని రాజమౌళి అన్నాడు. ఇప్పటికే వినిపించిన కామెంట్లు పాజిటివ్ గా ఉన్నాయి. సినిమా చూసి జక్కన్న తన అభిప్రాయం చెప్పాడంటే ఇక ఈ సినిమాకు తిరుగులేదనే టాక్ వినిపిస్తోంది. ఇప్పటి వరకూ ఈ సినిమా మీద అందరూ పాజిటివ్ గానే స్పందిస్తున్నారు. గుణశేఖర్ ఇన్నేళ్ళ కష్టం ఫలించాలని కోరుకుందాం.