మెగా పవర్ స్టార్ రామ్‌చరణ్ ఇటీవలే మొదలు పెట్టిన ఎయిర్ వేస్ బిజినెస్ గోదావరి పుష్కరాలతో ప్రారంభించనున్నారట. ఈ కంపెనీకి రాంచరణ్ పార్టనర్ మాత్రమే కాక బ్రాండ్ అంబాసడర్‌గావున్నారు. ఈ ట్రూ జెట్ విమాన సర్వీసులు ఈనెలలో జరగనున్న గోదావరి పుష్కరాల నుండి ప్రారంభిస్తున్నట్టు సమాచారం. మరో ఐదురోజుల్లో ఈ సర్వీసులకు పూర్తి అనుమతులు రానున్నట్టు తెలుస్తోంది. ఈ సర్వీసులు తొలుత హైదరాబాద్- చెన్నై, బెంగళూరు- తిరుపతి మీదుగా రాజమండ్రి వరకు మొదలుకానున్నట్లు ఆ సంస్థ ప్రతినిధి ఉమేష్ తెలిపారు. టర్బో మేఘా ఎయిర్‌వేస్‌కు ఎండీగావున్న ఉమేష్‌కు రామ్‌చరణ్ ఫ్రెండ్ కావడంతో ఈ సంస్థలో చెర్రీ భాగస్వామిగా చేరిన సంగతి తెల్సిందే! గోదావరి పుష్కరాలకు ఉన్న డిమాండ్ దృష్ట్యా ముందుగా రాజమండ్రికి అనుమతులు కోరామని, తర్వాత హైదరాబాద్ నుండి తిరుపతి, షిర్డీ వంటి ప్రాంతాలకు విమాన సర్వీసులను విస్తరిస్తామన్నారు. అందుకు తగ్గ అనుమతులు మరో ఐదు రోజుల్లో రానున్నట్లు ఆయన వివరించారు. ఇప్పటికే టర్బో సంస్థ కొన్ని చిన్న విమానాలను కోనుగోలు చేసి నడపడానికి సిద్ధంగా ఉందని ఆ సంస్థ తెలిపింది. వచ్చే నెలలో జరగనున్న పుష్కరాలకు చెర్రీ కూడా హాజరు కానున్నట్టు తెలుస్తోంది.
.jpg)
