సచిన్ జోషి కథానాయకుడిగా రామ్ గోపాల్ వర్మ దర్శకత్వంలో రెడీ అవుతున్న మొగలు పువ్వు ట్రైలర్ అందరిలోనూ ఉత్సుకత రేపింది. ఇందులో సచిన్ జోషికి జోడగా మీరా చోప్రా, కైనత్ అరోరా నటించారు. జెడ్3 పిక్చర్స్ నిర్మాణంలో ఈ చిత్రం తెరకెక్కుతోంది. జీత్ గంగూలీ సంగీతం అందిస్తున్నారు. ప్రస్తుతం పోలాండ్ లో చిత్రీకరణ జరుపుకుంటోంది ఈ చిత్రం. సీజర్ గొంజాల్వేస్ కోరియోగ్రఫీలో సచిన్ జోషి, మీరా చోప్రాలపై ఇటివలే ఓ శృంగారాత్మక గీతాన్ని తెరకెక్కించారు. వర్మ మార్క్ రొమాంటిక్ టచ్ ఈ గీతానికి ప్రత్యేక ఆకర్షణ. అయితే ఇక్కడో విశేషం చెప్పుకోవాలి. ఈ చిత్రం షూటింగ్ కోసం రాం గోపాల్ వర్మ పదిహేనేళ్ళ తరువాత విదేశీ గడ్డపై కాలు మోపాడట. ఆయన చివరిసారిగా 2000లో 'మస్త్' చిత్రంలో పాటల చిత్రీకరణకు విదేశం వెళ్ళారట. ఇప్పుడు ఈ 'మొగలిపువ్వు' మళ్ళీ వర్మను అక్కడికి లాక్కెళ్ళింది. వివాహిత వ్యక్తి ఓ మహిళతో పెట్టుకున్న సంబంధం ఎంత దూరం వెళ్ళింది. అక్రమ సంబంధాలు, వాటిలో సెల్ ఫోన్ పాత్ర ఎంతుంది అనే పాయింట్ మీద వర్మ థ్రిల్లర్ నేపధ్యంలో ఈ చిత్రం రూపొందిస్తున్న విషయం ఇప్పటికే వెల్లడి చేశారు.
.jpg)
