తెలుగు సినిమాలకు గత కొన్నాళ్ళుగా జానపద చిత్రాల గుబాళింపు లేదనే చెప్పాలి. ఒకేసారిగా షూటింగ్ ప్రారంభించిన బాహుబలి, రుద్రమదేవి సినిమాల్లో ఆర్థిక ఇబ్బందుల వల్ల వెనుకబడి పోయింది రుద్రమదేవి. సినిమా పోస్టర్లకు మాత్రం మంచి స్పందన వచ్చింది. ఈ రోజు (ఆగస్టు 4) రాణి రుద్రమదేవి కత్తిపట్టి యుద్ధం చేస్తున్న పోస్టర్ విడుదల చేశారు. యుద్ధ యోధురాలిగా అనుష్కశెట్టి లుక్ చాలా ఆకర్షణీయంగా కనిపిస్తోంది. ఈ పాత్రకు ఇప్పుడున్న హీరోయిన్లలో అనుష్క తప్ప మరెవరూ సాటి రారేమో అన్నంత మెస్మరైజ్ చేస్తోంది అనుష్క. సెప్టెంబర్ 4న విడుదల కాబోతున్న ఈ సినిమా కోసం ప్రేక్షకులు ఆసక్తిగా ఎదురు చూస్తున్నారు. ఇది కాకతీయుల నాటి చరిత్ర కావడంతో తెలంగాణా ప్రజలు మరింత ఆసక్తిగా చూపుతున్నారు. ఈ చిత్రంలోని పాటలకు, ట్రైలర్ కు ఇప్పటికే ప్రేక్షకుల నుంచి మంచి స్పందన వచ్చింది. ఈ చిత్రంలో హేమా హేమీలైన నటులు ఎందరో ఉండడంతో ఎవరెవరి క్యారెక్టర్లు ఎలాంటివో ఈ పౌరాణిక చిత్రానికి వారి నటన ఏ విధంగా ఉంటుందనే ఆసక్తి ఆడియన్స్ లో పెరిగిపోతోంది. ఈ చిత్రానికి నిర్మాత, దర్శకుడు కూడా గుణశేఖర్ కావడం విశేషం.
.jpg)
