బాలీవుడ్ ఒకప్పటి హీరో, ప్రుధ్వీ రాజ్ కపూర్ మూడవ కుమారుడయిన శశికపూర్ ను ఎట్టకేలకు దాదా సాహెబ్ పాల్కె అవార్డు వరించింది. ఈ కుటుంబంలో ఈ అవార్డు దక్కించుకున్న మూడవ వ్యక్తి శశికపూర్. భారత ప్రభుత్వం సోమవారం ఈ అవార్డును ప్రకటించింది. ఈయన నటించిన దీవార్, సత్యం శివం సుందరం, త్రిషూల్, కభీ కభీ వంటి చిత్రాలు ఎప్పటికీ గుర్తిండిపోయే అణి ముత్యాల్లాంటివి. శశికపూర్ ఇప్పటి వరకూ 150కి పైగా సినిమాల్లో నటించి మూడుసార్లు జాతీయ అవార్డు లు అందుకున్నాడు. 2010 ఫిల్మ్ ఫేర్ లైఫ్ టైం ఎఛీవ్‌మెంట్ అవార్డు కూడా అందుకున్నారు. ఈయన నటుడే కాకుండా అనేక సినిమాలకు నిర్మాతగా కూడా వ్యవహరించారు. భారత సినిమాకు అత్యంత సేవలు అందించిన వారికి ఇచ్చే ఈ అవార్డుకు ఎంపికైన వారిలో ఈయన 46వ వ్యక్తి. నిర్మాత, దర్శకుడు అయిన తండ్రి ప్రుథ్వీ రాజ్ కపూర్ సినిమాలో నాలుగేళ్ళకే ఆగ్ సినిమాతో నట ప్రస్థానం మొదలు పెట్టాడు. ఒక దశనలో బాలీవుడ్ నెంబర్ వన్ హీరోగా పేరు పొందాడు.
.jpg)
