శేఖర్ కమ్ములకు స్క్రిప్ట్ రెడీగా ఉందట...

అప్పట్లో చిన్న హీరోలతో సినిమాలు తీసిన తేజతో నిజం సినిమాలో నటించాడు మహేష్ బాబు ఆ సినిమా ఫ్లాప్ అయినప్పటికీ మహేష్ బాబుకు మాత్రం అవార్డు తెచ్చి పెట్టింది. ఇప్పుడు చిన్న హీరోలతో తప్ప స్టార్ హీరోలతో సినిమా చేయని శేఖర్ కమ్ముల కూడా మహేష్ బాబు కోసం ఓ స్క్రిప్టు రెడీ చేసుకున్నాడట. ప్రస్తుతం మహేష్ బాబు  శ్రీకాంత్ అడ్డాలతో 'బ్రహ్మోత్సవం' సినిమా చేస్తున్నాడు. పివిపి సంస్థ నిర్మిస్తోన్న ఈమూవీ షూటింగ్ ప్రస్తుతం రామోజీ ఫిల్మ్ సిటీలో భారీ ఎత్తున జరుగుతోన్న సంగతి తెలిసిందే.  తరువాత ఎంతో మంది డైరెక్టర్లు మహేష్ బాబుతో చేయడానికి రెడీగా ఉన్నారని ఎన్నో వార్తలు వినిపిస్తున్నప్పటికీ కన్ఫంగా ఏ డైరెక్టర్ తో చేస్తున్నాడన్న టాక్ వినిపించడం లేదు. కొరటాల శివతో మళ్ళీ చేస్తున్నాడనే ఓ వార్త కూడా వెలుగులోకి వచ్చింది. కొరటాల ఎన్టీఆర్ తో ఓ సినిమా చేస్తున్నట్టు కూడా వార్తలు వచ్చాయి. 
అయితే లేటెస్ట్ గా  ప్రిన్స్ తన తరువాతి సినిమా ఛాన్స్ డైరెక్టర్ శేఖర్ కమ్ములకు ఇవ్వబోతున్నట్టు ఫిల్మ్ నగర్ టాక్. డిఫరెంట్ కాన్సెప్టులతో మంచి సినిమాలు తీసే శేఖర్ కమ్ముల మహేష్ మూవీకి కథ రెడీ చేశాడని వార్తలు వినిపిస్తున్నాయి. ప్రస్తుతం దీనికి మెరుగులు దిద్దుతున్నట్టు తెలుస్తోంది. దీనికి నిర్మాతగా కూడా శేఖర్ కమ్ముల మరొక డైరెక్టర్ తో కలిసి చేయబోతున్నట్టు అనుకుంటున్నారు. మరి ఈయన కథ మహేష్ బాబు వరకూ వెళ్ళిందా? ఆయన ఏమంటాడు వివరాలన్నీ తెలియాల్సి ఉంది.  ఇప్పటికే ఈయన బ్రహ్మోత్సవం తరువాత స్టార్ డైరెక్టర్లెందరో ఈయన కాల్షీట్ల కోసం వెయిట్ చేస్తున్నట్టు వార్తలు చాలానే వినిపించాయి.  ఏది నిజమైన వార్తో కన్ఫం చేస్తేగానీ తెలియదు.