కేలండర్ గర్ల్స్ లో ఒకరిది శిల్పాశెట్టి రోల్ !

మధుర్ బండార్కర్ రూపొందిస్తున్న కేలండర్ గర్ల్స్ సినిమా ఇప్పుడు ఉత్తరాది నుంచి దక్షినాది వరకూ పెద్ద సెన్సేషన్ అవుతోంది. బికినీ భామల కథలు ఎలా ఉండాబోతున్నాయన్న ఆసక్తి జనాల్లో కనిపిస్తోంది. ఇప్పుడు టాప్ లెవెల్ లో వెలుగుతున్న దీపికా పడుకునే, జాక్విలిన్ ఫెర్నాండెజ్, కత్రినా కైఫ్ వంటి పెద్ద తారలంతా అక్కడినుంచి వచ్చిన వారే. శిల్పాశెట్టి కూడా మొదట కింగ్ ఫిషర్ బికినీ భామగా జనాలకు అందాల్ని చూపించేసింది. అయితే ఇప్పుడు మాధుర్ బండార్కర్ కేలందర్ గర్ల్స్ లో ఒకరి కథ శిల్పాశెట్టిదే అంటూ వార్త లు వినిపిస్తున్నాయి. దక్షిణ భారతదేశం నుంచి మోడల్ గా ఎదిగి అటుపై సినిమా నాయికగా మారి అక్కడి నుంచి పారిశ్రామిక వేత్తగా ఎదిగిన ఈమె జీవితాన్ని వెండితెరపై చూపిస్తున్నాం అంటూ కేలెండర్ గాళ్స్  గురించి ప్రచారం చేస్తున్నారు. ఈ సినిమాలో ఆకాంక్ష పాత్ర శిల్పాశెట్టి నుంచి స్ఫూర్తి పొందినదేనని చెబుతున్నారు. కింగ్ ఫిషర్ కేలండర్ లోకి ఎక్కిన తరువాత బాజీగర్ లాంటి హిందీ సినిమాలో సాగరకన్య గా తెలుగు సినిమా ఆ తరువాత ఉత్తర, దక్షిణ సినిమాల్లో చాలా ఆఫర్లు కొట్టేసి, అటుపై బిజినెస్ మేన్ రాజ్ కుంద్రాతో ఎఫైర్ సాగించి  చివరికి పెళ్లి చేసుకుని జీవితంలో స్థిరపడింది. అయితే ఇది శిల్పా శెట్టి జీవితమే అని ఎవరూ బైటికి అనలేకపోతున్నారట.  మొత్తానికి కేలందర్ గర్ల్స్ జీవిత కథలను తెరమీద చూడ్డానికి అందరూ చాలా ఆసక్తిగా ఎదురు చూస్తున్నారు.