తాప్సీకి కలిసొచ్చిన కోలీవుడ్

టాలీవుడ్ లో మొగుడు, సాహసం, షాడో, వీర ఇలా హీరోయిన్ గా చేసిన దాదాపు అన్ని సినిమాలూ ఫ్లాప్ అవడంతో పాపం తాప్సీ పన్నుకు టాలీవుడ్ లో ఐరెన్ లెగ్ అనే పేరు స్థిరపడిపోయి... కొన్నాళ్ళు ఛాన్సులేవీ రాలేదు. లారెన్స్ రాఘవ కాంచన-2 (గంగ) సినిమా ఆఫర్ ఇచ్చి కోలీవుడ్ లోకి ఆహ్వానించాడు. ఆ సినిమా సక్సెస్ తో అమ్మడికి కోలీవుడ్ ఆఫర్స్ బాగానే వస్తున్నాయిప్పుడు.  తమిళ్ తో పాటు హిందీ మలయాళ భాషల్లోనూ అవకాశాల కోసం ట్రై చేస్తోంది.  ఇప్పుడు తమిళంలో ఓ రెండు సినిమాల్లో నటిస్తోంది. శింబు సరసన 'కాన్' అనే యాక్షన్ ఎంటర్ టైనర్ లో నటిస్తోంది. ఇందులో అమ్మడు ఫైట్లు చేసేస్తుందట. అలాగే జర్నీ ఫేం జై సరసన తిరు దర్శకత్వంలో ఓ చిత్రంలో నటిస్తోంది. ఈ సినిమాలో ఓ సాదాసీదా పల్లెటూరి అమ్మాయి. ఇదే విషయాన్ని తాప్సీ ముచ్చటిస్తూ..తన సినిమా ముచ్చట్లు చెపుతూ... 'శింబు కాన్ పూర్తి యాక్షన్ సినిమా... ఇందులో స్టార్టింగ్ నుంచి చివరి వరకూ పోరాట సన్నివేశాలు ఉంటాయి. నేను ఫైట్ సీన్లలో ఎక్కువగా కనిపిస్తాను. డిఫెన్స్ వింగ్ నుంచి సీక్రెట్ ఏజెంట్ గా కనిపిస్తాను.  ఇటీవలే బాలీవుడ్ లో బేబి చిత్రంలో ఆ తరహా పాత్రలో నటించాను’ అని వివరించింది. తమిళ సినిమాల్లో వచ్చిన ఈ పాత్రలు రెండూ చాలా మంచి పాత్రలనీ... ఇప్పుడు మరిన్ని ఆఫర్లు వస్తున్నాయనీ వీటి కథలు వింటున్నానని చెపుతోంది. పోనీలే... తప్సీ పన్నుకు తెలుగు కలిసి రాకపోయినా... కోలీవుడ్ లో అయినా సుడితిరగాలని కోరుకుందాం...