వంశీ పైడిపల్లి దర్శకత్వంలో తెలుగు, తమిళ భాషల్లో ఒక చిత్రాన్ని నిర్మిస్తున్న విషయం అందరికీ తెలిసిందే. అయితే ఈ చిత్రంలో ప్రముఖ హీరోలు నాగార్జున, కార్తిలు నటిస్తున్నారు. ఈ చిత్ర కథ ఏమిటనేది ఇంతవరకూ బయటికి రాలేదు. 2011లో వచ్చిన ఫ్రెంచ్ కథ ఆధారంగా ఈ చిత్రం రూపొందిస్తున్నారు. ఫ్రెంచ్ లో ‘ద ఇన్ టచబుల్స్’ అనే ఈ సినిమా సూపర్ హిట్ అయ్యిందని తెలుస్తోంది. పోలీసుల బారి నుంచి తప్పించుకోడానికి పక్షవాతంతో శరీరం చచ్చుబడిపోయిన వాడిలా నటించే క్యారెక్టర్ ఒకరిదీ, ఆస్పత్రిలో అతనికి సేవలు చేసే క్యారెక్టర్ లో మరొకరు... ఈ ఇద్దరి స్నేహబంధంతో సినిమా సాగుతుంది. అయితే పక్షవాతం వచ్చిన క్యారెక్టర్ లో నాగార్జున, సేవలు చేసే క్యారెక్టర్ లో కార్తీ నటిస్తారు. కార్తీకి జంటగా శ్రుతి హాసన్ ఈ చిత్రంలో నటిస్తోంది. కథను బట్టి చూస్తే ఇందులో కామెడీ బాగా ఉంటుందనిపిస్తోంది. పివీపీ సినిమా బ్యానర్ లో పొట్లూరి ప్రసాద్ దీన్ని నిర్మిస్తున్నారు.
.jpg)
