900 థియేటర్లలో డైనమైట్

దాసరి నారాయణరావు దర్శకత్వంతో వచ్చిన ‘ఎర్రబస్సు’లో ఓ డిఫరెంట్ క్యారెక్టర్ లో నటించిన విష్ణు మళ్ళీ ఓ యాక్షన్ థ్రిల్లర్ తో ‘డైనమైట్’గా ప్రేక్షకుల ముందుకు రాబోతున్నాడు. దేవకట్టా దర్శకత్వం లో వస్తున్న ఈ సినిమాలో ప్రణిత హీరోయిన్ గా నటించింది. అన్ని కార్యక్రమాలను పూర్తి చేసుకున్న ఈ సినిమా రేపు గ్రాండ్ గా విడుదల చేస్తున్నారు. ఇండియా, యుఎస్, యుకె, యునైటెడ్ అరబ్ ఎమిరేట్స్ లో ఈ సినిమాని ముందు రోజు ప్రీమియర్స్ షో చూపించే ఏర్పాట్లు చేశారట. ఇంతకుముందెన్నడూ లేని విధంగా ఈ చిత్ర టీం ప్రీ ప్రమోషనల్ టూర్ నిర్వహించి, తమ సినిమాను ప్రజల్లోకి తీసుకువెళ్ళే ప్రయత్నం చేసింది. దాంతో సినిమాకి ఓపెనింగ్స్ భారీగా వస్తున్నాయి. ఈ సినిమా మంచు విష్ణు కెరీర్లో ఇప్పటి వరకూ రిలీజ్ కానన్ని థియేటర్స్ లో రిలీజ్ కానుండడం విశేషం. ఆంధ్ర, తెలంగాణ, మిగిలిన ఇండియాతో పాటు ఓవర్సీస్ స్క్రీన్స్ కూడా కలుపుకొని సుమారు 900 థియేటర్స్ లో రిలీజ్ కానుందని సమాచారం. అలాగే ఒక్క నైజాం లోనే 210కి పైగా థియేటర్స్ లో రిలీజ్ కానుంది.
యాక్షన్ థ్రిల్లర్ గా తెరకెక్కిన ఈ సినిమాలో మంచు విష్ణు చేసిన రియలిస్టిక్ యాక్షన్ ఎపిసోడ్స్ మరియు స్పీడ్ గా సాగే స్క్రీన్ ప్లే ఈ సినిమాకి హైలైట్ కానుంది. విష్ణుతో పాటు ప్రణిత కూడా స్టంట్స్ చేస్తుందంటున్నారు. చాలా రోజుల తరువాత  ఈ సినిమాలో జెడి చక్రవర్తి మెయిన్ విలన్ గా కనిపించబోతున్నాడు. ఈ సినిమా కన్నడంలోనూ జెడీ చక్కవర్త విలన్ గా నటించాడట.