బాలీవుడ్ నటుడు, సీనియర్ నటుడు సురేష్ ఓబరాయ్ సుపుత్రుడైన వివేక్ ఓబరాయ్ కి అమ్మాయి పుట్టింది. హీరో వివేక్ ఒబెరాయ్‑ భార్య ప్రియాంక ఆల్వా లకు మంగళవారం ఆడబిడ్డ జన్మించింది. ఈ కుటుంబం అంతా సంతోషంతో మునిగితేలుతోందన్న వార్తను హీరోయిన్ జెనీలియా తన ట్విట్టర్ అకౌంట్ ద్వారా అందరికీ తెలియ జేసింది. ఆమె సోషల్ నెట్వర్క్ ద్వారానే ఈ వివేక్ దంపతులకు దంపతులకు శుభాకాంక్షలు తెలిపింది. 'కంగ్రాట్యూలేషన్స్ ప్రియాంకా అండ్ వివేక్ ఒబెరాయ్.. లిటిల్ వీర్ హేజ్ ఏ లిటిల్ సిస్టర్.. సో హ్యాపీ ఫర్ యూ ఆల్.. లాట్స్ అండ్ లాట్స్ ఆఫ్ లవ్,' అంటూ జెనీలియా ట్విట్ చేసింది. ఇప్పటికే వివేక్ దంపతులకు రెండున్నరేళ్ల కుమారుడు ఉన్నాడు. ఆ బుడ్డోడి పేరు వివాన్ వీర్ ఒబెరాయ్. వివేక్ ఒబెరాయ్ జేడీ(యూ) దివంగత నేత జీవరాజ్ ఆల్వా కుమార్తె ప్రియాంకను 2010 అక్టోబర్ 29న వివాహం చేసుకున్న విషయం తెలిసిందే. రక్త చరిత్ర సినిమా ద్వారా వివేక్ ఒబెరాయ్ తెలుగు ప్రేక్షకులకు కూడా సుపరిచితుడే. ఈయనే కాదు తండ్రి సురేష్ ఒబెరాయ్ కూడా డైరెక్ట్ తెలుగు సినిమాల్లో నటించాడు. జయసుద హీరోయిన్ ఓరియెంటెడ్ సినిమా కుంకుమ తిలకంలో విలన్ గా నటించి అందరి మన్ననలు అందుకున్నాడు.
.jpg)
