లవర్ బాయ్ సినిమాకు లవర్స్ డే వేదిక

ఎప్పుడెప్పుడా అని ఎదురు చూస్తున్న అఖిల్ సినిమాకు లవర్స్ డేను వేదిక చేసుకున్నారు. ప్రస్థుతం సినిమా లవర్ బాయ్ అంటే అఖిల్ అనే చెప్పవచ్చు. అఖిల్ ను హీరోగా పరిచయం చేస్తూ వివి వినాయక్ దర్శకత్వంలో సినిమా తెరకెక్కబోతున్న సంగతి అందరికీ తెలుసు. ఈ సినిమా షూటింగ్ ఈ రోజున మొదలైంది. విడుదల చేసిన ఫస్ట్ లుక్ సూపర్ అంటున్నారంతా. సాయేషా సైగల్ ను హీరోయిన్ గా ఎంపిక చేసిన సంగతి కూడా అందరికీ తెలిసిందే. ఈ అమ్మడు మంచి గ్లామర్ తో... ఒక యాంగిల్ లో ఇలియానాలా కనిపిస్తోంది. ఈ చిత్రానికి ఇంకా టైటిల్ ఖరారు చేయలేదు. సినిమాను శ్రేష్ట్ మూవీస్ పతాకంపై నిఖిత రెడ్డి సమర్పణలో నితిన్ నిర్మిస్తున్నారు. అయితే ఈ సినిమా ఫస్ట్ లుక్ లో ప్రొడక్షన్ నెంబర్ వన్ అని కాకుండా ప్రొడక్షన్ ఎ అని ఫస్ట్ లుక్ పోస్టర్ డిజైన్ చేయడం అందరికీ క్వెశ్చన్ మార్క్ అయ్యింది. ఎ అన్న అక్షరం అఖిల్ కు సంకేతంగా వాడారా? లేక సెంటిమెంటా అనేది తెలియాల్సి ఉంది. ఇప్పటి వరకు యాక్షన్ సినిమాలను తీసిన వినాయక్ తొలిసారిగా అఖిల్ కు ఉన్న లవర్ బాయ్ ఇమేజ్ తో ఒక రొమాంటిక్ చిత్రం తీయబోతున్నారని అనుకుంటున్నారు. అసలే అందగాడు... అందమైన హీరోయిన్ నేటి తరాన్ని గిలిగింతలు పెట్టే జంట. దర్శకులు తప్పకుండా లిప్ లాక్ సీన్లు పెడతారని ఆశిస్తున్నారు. ఈ సినిమాను ఎంత త్వరగా వీలయితే అంత త్వరగా తెరమీదకు తెచ్చేందుకు ప్లాన్ చేస్తున్నారు. ఏది ఏమైనా ప్రేమికుల రోజున ఈ స్మార్ట్ బాయ్ సినిమాతో హంగామా చేయడం సర్వత్రా సెన్సేషన్ అవుతోంది.