మొదటి సినిమా ఇంకా రిలీజ్ అయినా కాలేదు అప్పుడే మరో ఛాన్స్ కొట్టేసింది కమల్ రెండవ తనయ అక్షర హాసన్. ఆమె ‘షమితాబ్’ చిత్రంలో హీరోయిన్ గా అరంగేట్రం చేసింది. అందులో హీరో ధనుష్ తో పాటు బిగ్ బితో కూడా నటించడం విశేషం. ప్రస్తుతం ‘షమితాబ్’ షూటింగ్ పూర్తి చేసుకుని విడుదల కావడానికి సిద్ధంగా ఉంది. అయితే ప్రముఖ నటి శ్రీదేవికి కూతురుగా నటించే ఛాన్స్ రెండవ సినిమాలో దక్కించుకుంది అక్షర. శ్రీదేవి కథానాయికగా బోనీకపూర్ నిర్మిస్తున్న చిత్రానికి రవి ఉదయవర్ దర్శకత్వం వహిస్తున్నాడు. ఈ చిత్రంలో సవతి తల్లికి, సవతి కూతురుకి మధ్య నడిచే భావోద్వేగ సంబంధాలపై కథ నడుస్తుంది. ఈ చిత్రంలో శ్రీదేవికి సవతి కూతురుగా నటించమంటూ అక్షరను బోనీ కపూర్ అడిగినట్టుగా తెలుస్తోంది. దీంతో అక్షర ఆనందంతో గంతులేసిందట. అంతే కదా... అంత పెద్ద హీరోయిన్ తనకు తల్లిగా నటించడమంటే గొప్పే కదా మరీ. అందులో కమల్ హాసన్ తో హీరోయిన్ గా వసంతకోకిల, ఎర్రగులాబీలు వంటి హిట్ చిత్రాల్లో నటించిన శ్రీదేవి ఇప్పుడు సవతి కూతురుగా కమల్ కూతురుతోనే నటిస్తోంది!
.jpg)
