అనీషా అందగత్తేనండోయ్...

పవన్ సరసన హీరోయిన్ గా నటించే అవకాశం కోసం ప్రముఖ హీరోయిన్లు పోటీ పడుతుంటారు. అలాంటిది కేవలం ఒకే ఒక్క సినిమాలో నటించిన, అది కూడా సక్సెస్ కానీ సినిమా... అందులో నటించిన హీరోయిన్ పవన్ సరసన నటించే అవకాశాన్ని దక్కించుకుంది. ఆ అమ్మాయి ‘ఆలియాస్‌ జానకి’ అనీషా ఆంబ్రోస్‌. పవణ్ కళ్యాణ్ ఈ అమ్మాయిని ఎంపిక చేసినట్టు కూడా వార్తలు వచ్చాయి. అయితే పవన్ గోపాల గోపాల తరువాత సినిమా ‘గబ్బర్ సింగ్ 2’ కోసం ఇప్పుడు ఎదురు చూస్తున్నారంతా... అయితే అంతా బాగానే ఉంది కానీ, ఈ సాదాసీదా అమ్మాయిని పవన్ పక్కన ఎందుకు ఎంపిక చేసినట్టు? ఏం బాగుందని అన్న కామెంట్లు వినిపిస్తున్నాయి. ఈ కామెంట్లు మరి ఆ అమ్మడి దాకా చేరాయో... లేదా సినిమా ఛాన్సుల కోసం తనేంటో... తన అందమేంటో నిరూపించుకోవాలనుకుందేమో ఓ ఫొటో షూట్ చేసి ఆన్ లైన్ లో విడుదల చేసిందట. తానూ అందగత్తెనే అని నిరూపించుకోడానికేమో మరి. ‘గోపాల గోపాల' సినిమాలో తను ఓ టీవీ చానల్‌ హోస్ట్‌ గా వెంకటేష్‌ను ఇంటర్వ్యూ చేస్తూ కనిపిస్తుంది. పాత్ర పరంగా గ్లామర్ ఏ మాత్రం కనిపించని పాత్ర ఇది. ఇందులో చూసిన జనాలు ఈ అమ్మడి గ్లామర్ గురించి కామెంట్లు చేస్తున్నారు. అందరి నోర్లూ మూయించేందుకే ఈ ఫొటో షూట్ అని అనుకుంటున్నారిప్పుడు. వచ్చే నెలలో 'గబ్బర్‌సింగ్‌2' సెట్స్‌ పైకి వెళ్లనుంది. ఈ చిత్రం గబ్బర్‌సింగ్‌కి సీక్వెల్‌గానీ, ప్రీక్వెల్‌గానీ కాదట. బాలీవుడ్‌ 'దబాంగ్‌'కీ ఎలాంటి సంబంధం లేదట. యాక్షన్‌, వినోదం మేళవించిన కథ పవన్‌ రాసుకొన్నారని యూనిట్ చెబుతోంది. బ్రహ్మానందం, అలీతో పాటు 'గబ్బర్‌సింగ్‌ అంత్యాక్షరి గ్యాంగ్‌' వినోదాలు పంచబోతోంది గబ్బర్ సింగ్ 2లో.