అర్జున్ తో అంజలి చిందేయబోతోంది...

స్టైలిష్ హీరో అర్జున్ తో డాన్స్ చేయాలంటే హీరోయిన్లకు ఓ ఛాలెంజింగ్ అనే అనుకోవాలి. ఎందుకంటే స్ప్రింగ్ లా బాడీని తిప్పేస్తూ టాలీవుడ్ లో డాన్స్ బాగా చేయగల హీరోల్లో ఒకడిగా అర్జున్ కు మంచి పేరు. మరి అలాంటి హీరో పక్కన డాన్స్ చేసే ఛాన్స్ వస్తే ఎవరు ఊరుకుంటారు. వెంటనే ఒప్పేసుకోరా. ఆయన బోయపాటి శ్రీనుతో కలిసి చేస్తున్న యాక్షన్ ఎంటర్టైనర్ ప్రస్తుతం సెట్స్ పై ఉంది. ఈ సినిమాకి ‘సరైనోడు’ అనే టైటిల్ ని ఫైనల్ చేసే పనిలో ఉన్నారు. ఇదిలా ఉంటే గత కొద్ది రోజులుగా ఈ సినిమాలో ఉన్న ఓ స్పెషల్ సాంగ్ కోసం మంచి హీరోయిన్ కావాలని వెతుకుతున్నారట. అనుకోకుండా అర్జున్ శంకరాభరణం ఆడియోకు వెళ్ళడం అక్కడ అంజలిని చూసి, శంకరాభరణంలో ఆమె డాన్స్ పెర్ఫార్మెన్స్ చూసి, ఆమె సరైనోడికి సరైనదని అనిపించిందట. ప్రమోషనల్ సాంగ్ లో అంజలి ఇరగదీసేసరికి, సరైనోడు స్పెషల్ సాంగ్ కి పర్ఫెక్ట్ అని అంజలిని అప్రోచ్ అయ్యారట. దానికి అంజలి కూడా గ్రీన్ సిగ్నల్ ఇచ్చినట్లు ఈ చిత్ర సన్నిహిత వర్గాలు చెబుతున్నాయి. ప్రస్తుతం ఈ సినిమా షూటింగ్ కంటిన్యూగా రామోజీ ఫిల్మ్ సిటీలో జరుగుతోంది. బోయపాటి శ్రీను అల్లు అర్జున్ బాడీ లాంగ్వేజ్ కి సరిపోతూనే తన మార్క్ కుడా కనిపించేలా ఈ సినిమా కథని సిద్దం చేసాడట. అల్లు అర్జున్ సరసన రకుల్ ప్రీత్ సింగ్, కేథరిన్ హీరోయిన్స్ గా నటిస్తున్న ఈ సినిమాలో శ్రీకాంత్, ఆది పినిశెట్టి ముఖ్య పాత్రలు పోషిస్తున్నారు. గీత ఆర్ట్స్ బ్యానర్ పై అల్లు అరవింద్ నిర్మిస్తున్న ఈ సినిమాకి ఎస్ఎస్ తమన్ మ్యూజిక్ అందిస్తున్నాడు.